1. Nael Reva mo Ijip

Ol bus we i stap gro long saedsaed blong Nael Reva. Long wan ples semmak olsem ia nao, mama blong Moses i haedem Moses, bebi boe blong hem. Biaen long ples ia, i gat ol draeples we i kavremap plante pat blong Ijip.

Ol Impoten Samting we oli bin Hapen: Graon ia, Ijiptas nao i faenem (Ebr 1:23–25). Ebraham i bin go long Ijip (Jen 12:10–20; Ebr 2:21–25). Oli salem Josef i go long Ijip; hem i kam wan man blong rul, mo i sevem famli blong hem long taem blong hanggri (Jen 37; 39–46). Ol pikinini we oli kamaot long laen blong Jekob oli bin laef long Ijip (Jen 47; Eks 1; 12:40). Gel blong King blong Ijip i bin faenem bebi Moses long reva mo i lukaotem hem (Eks 2:1–10). Moses i lidim Ol Man Isrel oli go aot long Ijip (Eks 3–14). Meri, Josef, mo Jisas oli bin go long Ijip blong smol taem blong ronwe long Herod (Mat 2:13–15, 19–21). Long ol las dei, bae Ol Man Ijip oli save Lod, mo Lod bae i blesem Ijip (Aes 19:20–25). (Luk long GS Ijip.)