1 Nefi

Ibyanditswe bitagatifu

Igitabo cya Morumoni

Ibikubiyemo
Iriburiro n’Ubuhamya
1 Nefi
2 Nefi
Yakobo
Enosi
Yoromu
Omuni
Amagambo ya Morumoni
Mosaya
Aluma
Helamani
3 Nefi
4 Nefi
Morumoni
Eteri
Moroni
Inyoborafatiro ku Gitabo cya Morumoni

1 Nefi

Igice cya 1
Nefi atangira inyandiko y’abantu be—Lehi abona mu iyerekwa inkingi y’umuriro kandi asoma mu gitabo cy’ubuhanuzi—Asingiza Imana, avuga mbere k’ukuza kwa Mesiya, kandi ahanura ukurimbuka kwa Yerusalemu—Atotezwa n’Abayuda. Ahagana 600 M.K.
Igice cya 2
Lehi ajyana umuryango we mu gasi hafi y’Inyanja Itukura—Basiga umutungo wabo—Lehi atura igitambo Nyagasani kandi yigisha abahungu be kubahiriza amategeko—Lamani na Lemuweli bitotombera se—Nefi arumvira kandi asenga yizeye; Nyagasani aramuvugisha, kandi atoranyirizwa gutegeka abavandimwe be. Ahagana 600 M.K.
Igice cya 3
Abahungu ba Lehi basubira i Yerusalemu gufata ibisate by’umuringa—Labani yanga gutanga ibisate—Nefi ashishikaza kandi agatera imbaraga abavandimwe be—Labani yiba umutungo wabo kandi akagerageza kubica—Lamani na Lemuweli bakubita Nefi na Samu maze bakihanangirizwa na marayika. Ahagana 600–592 M.K.
Igice cya 4
Nefi yica Labani kubw’itegeko rya Nyagasani nuko noneho agobotora ibisate by’umuringa kubw’amayeri—Zoramu ahitamo gusanga umuryango wa Lehi mu gasi. Ahagana 600–592 M.K.
Igice cya 5
Sariya yijujutira Lehi—Bombi bishimira igaruka ry’ abana babo—Batura ibitambo—Ibisate by’umuringa biriho inyandiko za Mose n’abahanuzi—Ibisate byerekanye ko Lehi akomoka kuri Yozefu—Lehi ahanura ibyerekeye urubyaro rwe n’ukubungabungwa kw’ibisate. Ahagana 600–592 M.K.
Igice cya 6
Nefi yandika ibintu by’Imana—Umugambi wa Nefi ni ukwingingira abantu gusanga Imana y’Aburahamu maze bagakizwa. Ahagana 600–592 M.K.
Igice cya 7
Abahungu ba Lehi basubira i Yerusalemu maze bagasaba Ishimayeli n’urugo rwe kwifatanya nabo mu rugendo rwabo—Lamani n’abandi bigomeka—Nefi ashishikariza abavandimwe be kwizera Nyagasani—Bamuzirikisha imigozi nuko bakagambirira kumurimbura—Abohorwa n’ ububasha bw’ukwizera—Abavandimwe be basaba imbabazi—Lehi n’abo bari kumwe batura igitambo n’amaturo yokejwe. Ahagana 600–592 M.K.
Igice cya 8
Lehi abona iyerekwa ry’igiti cy’ubugingo—Afata urubuto rwacyo nuko akifuza ko umuryango we wakora nkawe—Abona inkoni y’icyuma, inzira ifunganye kandi y’impatanwa, n’urwokotsi rw’umwijima rugota abantu—Sariya, Nefi, na Samu bafata ku rubuto, ariko Lamani na Lemuweli baranga. Ahagana 600–592 M.K.
Igice cya 9
Nefi akora amoko abiri y’inyandiko—Buri yose yitwa ibisate bya Nefi—Ibisate binini biriho amateka asanzwe; ibitoya bikibanda ku bintu bitagatifu. Ahagana 600–592 M.K.
Igice cya 10
Lehi ahanura ko Abayuda bazajyanwa bunyago n’Abanyababiloni—Avuga iby’ukuza mu Bayuda kwa Mesiya, Umukiza, Umucunguzi—Lehi avuga na none iby’ukuza k’umuntu ugomba kubatiza Ntama w’Imana—Lehi avuga iby’urupfu n’izuka rya Mesiya—Agereranya ugutatana n’ugukoranyirizwa hamwe kw’Abisirayeli n’igiti cy’umwelayo—Nefi avuga ku Mwana w’Imana, ku mpano ya Roho Mutagatifu, no ku kamaro kw’ubukiranutsi. Ahagana 600–592 M.K.
Igice cya 11
Nefi abona Roho wa Nyagasani kandi akerekwa mu iyerekwa igiti cy’ubugingo—Abona nyina w’Umwana w’Imana kandi amenya iby’ukwimanura hasi kw’Imana—Abona umubatizo, umurimo, n’ibambwa rya Ntama w’Imana—Abona na none ihamagarwa n’umurimo w’Intumwa Cumi n’ebyiri za Ntama. Ahagana 600–592 M.K.
Igice cya 12
Nefi abona mu iyerekwa igihugu cy’isezerano; ubukiranutsi, ubukozi bw’ikibi, n’ukugwa kw’abaturage bacyo; ukuza kwa Ntama w’Imana muri bo, uko Abigishwa Cumi na Babiri n’Intumwa Cumi n ’ebyiri bazacira urubanza Isirayeli; n’imibereho iteye ishozi kandi yanduye y’abakenderera mu ukutizera. Ahagana 600–592 M.K.
Igice cya 13
Nefi abona mu iyerekwa itorero rya sekibi rishyirwaho mu Banyamahanga, ivumburwa n’uguturwa kw’Amerika, izimira ry’ibice byinshi byeruye kandi by’agaciro gakomeye bya Bibiliya, ingaruka y’ubuyobe bw’abanyamahanga, igarurwa ry’inkuru nziza, ukuza kw’icyanditswe gitagatifu cy’umunsi wa nyuma, n’iyubakwa rya Siyoni. Ahagana 600–592 M.K.
Igice cya 14
Umumarayika abwira Nefi iby’imigisha n’imivumo izagwa ku Banyamahanga—Hariho amatorero abiri gusa: Itorero rya Ntama w’Imana n’itorero rya sekibi—Abera b’Imana mu mahanga yose batotezwa n’itorero rinini kandi rizira—Intumwa Yohana azandika ibyerekeye imperuka y’isi. Ahagana 600–592 M.K.
Igice cya 15
Urubyaro rwa Lehi ruzakira inkuru nziza ivuye ku Banyamahanga mu minsi ya nyuma—Ikoranyirizwa hamwe rya Isirayeli rigereranywa n’igiti cy’umwelayo amashami yacyo y’umwimerere azongera guterwaho—Nefi asobanura iyerekwa ry’igiti cy’ubugingo maze akavuga iby’ubutabera bw’Imana mu gutandukanya abagome n’abakiranutsi. Ahagana 600–592 M.K.
Igice cya 16
Abagome bafata ukuri nk’ugukomeye—Abahungu ba Lehi bashakana n’abakobwa ba Ishimayeli—Liyahona iyobora inzira zabo mu gasi—Ubutumwa buva kuri Nyagasani bwandikwa kuri Liyahona rimwe na rimwe—Ishimayeli apfa; umuryango we ukitotomba kubera imibabaro. Ahagana 600–592 M.K.
Igice cya 17
Nefi ategekwa kubaka inkuge, abavandimwe be bakanga—Abashishikaza abasubiriramo amateka y’imikoranire y’Imana na Isirayeli—Nefi yuzura ububasha bw’Imana—Abavandimwe be babuzwa kumukoraho, hato ngo batumagana nk’urubingo rwumye. Ahagana 592–591 M.K.
Igice cya 18
Inkuge yuzura—Amavuko ya Yakobo na Yozefu avugwaho—Iri tsinda ryerekeza mu gihugu cy’isezerano—Abahungu ba Ishimayeli n’abagore babo bifatanya mu rusaku n’ukwigomeka—Nefi abohwa, maze inkuge igasubizwa inyuma n’umuhengeri uteye ubwoba—Nefi arekurwa, maze kubw’isengesho rye, ishuheri igahagarara—Aba bantu bagera mu gihugu cy’isezerano. Ahagana 591–589 M.K.
Igice cya 19
Nefi akora ibisate mu mabuye y’agaciro nuko yandika amateka y’abantu be—Imana ya Isirayeli izaza mu myaka magana atandatu uhereye igihe Lehi yaviriye i Yerusalemu—Nefi avuga ku mibabaro yen’ibambwa—Abayuda bazasuzugurwa kandi batatanywe kugeza mu minisi ya nyuma, ubwo bazagarukira Nyagasani. Ahagana 588–570 M.K.
Igice cya 20
Nyagasani ahishurira Isirayeli imigambi Ye—Isirayeli yatoranyijwe mu itanura ry’imibabaro kandi igomba kuva i Babiloni—Gereranya Yesaya 48. Ahagana 588–570 M.K.
Igice cya 21
Mesiya azaba urumuri ku Banyamahanga kandi azabohora imbohe—Isirayeli izakoranywa n’ububasha mu minsi ya nyuma—Abami bazaba ba se babarera—Gereranya Yesaya 49. Ahagana 588–570 M.K.
Igice cya 22
Isirayeli izatatanyirizwa ku isi hose—Abanyamahanga bazarera kandi batungishe Isirayeli inkuru nziza mu minsi ya nyuma—Isirayeli izakoranywa kandi itabarwe, kandi abagome bazashya nk’ibikenyeri—Ubwami bwa sekibi buzarimburwa, kandi Satani azabohwa. Ahagana 588–570 M.K.