1 Ngan kamatuoran nasiring ako ha iyo, maghahatag ako ha iyo hin tigaman, nga iyo hibabaroan an takna kun san-o ine nga mga hitabo in matutuman — nga akon titirokon, tikang ha maiha nga pagkaburublag, an akon mga tawo, O sulod balay ni Israel, ngan otro igtutukod ha butnga nira an akon Sion;

2 Ngan pamati, ine an hitabo nga ighahatag ko ha iyo nga usa nga tigaman — tungod kay kamatuoran nga nasiring ako ha iyo nga ine nga mga nahuna-huna in iginpasamwak ko ha iyo, nga ipapasamwak an akon kalugaringon kahuman hine, ngan pinaagi han gahum han Espiritu Santo nga ighahatag ha iyo han Amay, in ipapasabot ha mga Gentil nga ira hibaroan an mahitungod hine nga mga tawo nga nahibilin han sulod balay ni Jakob, ngan mahitungod han akon mga tawo nga igpapasarang nira;

3 Kamatuoran, kamatuoran, nasiring ako ha iyo, kun san-o ine nga mga nahuna-huna in igpapahibaro ha ira han Amay, ngan maabot tikang han Amay, tikang ha ira ngada ha iyo;

4 Tungod kay ine an kinaadman han Amay nga hira in kaangayan matukod hine nga katunaan, ngan tumindog nga usa nga libre nga mga tawo pinaagi han gahum han Amay, nga ine nga mga nahuna-huna in matikang ha ira ngadto han nahibibilin han iyo tulin, ngan an mga kauyonan han Amay in matuman nga an iya kauyonan han iya mga tawo, O sulod balay ni Israel;

5 Sanglit, kun san-o ine nga mga buruhaton ngan han mga buruhaton nga hihimoon ha butnga niyo kahuman hine in matikang ha mga Gentil, ngada han iyo tulin nga nagtika-inos ngadto ha kawaray hin pagtuo tungod han mga karaotan;

6 Tungod hine naangay ha Amay nga ine in magtikang ha mga Gentil, agud niya ipakita an iya gahum ha mga Gentil, ngan hine nga hinungdan nga an mga Gentil, kun dire patig-ahon an ira mga kasingkasing, ngan hira in magbasul ngan dumaop ha akon ngan magpabunyag ha akon ngaran ngan hibaro han tinuod nga puntos han akon doktrina, nga hira in mahiupod ha butnga han akon mga tawo, O sulod balay han Israel;

7 Ngan kun ine nga mga hitabo in mahitabo nga an imo tulin in magtikang pag hibaro hine nga mga nahuna-huna — ine an tigaman ngadto ha ira, nga ira hibaroan an buruhaton han Amay in nagtikang na katuman hadton mga kauyonan nga iya ginhimo ngadto han mga tawo nga kaapi han sulod balay ni Israel.

8 Ngan kun adto nga tiarabot nga adlaw in umabot, ine in mahitatabo nga an mga hadi in pupugngan an ira mga baba; kay adto nga iginsumat ha ira in makikita; ngan adton waray nira hibatii in ira pagtatagaron.

9 Kay hadto nga tiarabot nga adlaw, tungod ha akon an Amay in maghihimo hin buhat nga buruhaton, nga dako ngan urusahon nga buhat ha butnga nira; ngan may ada ha butnga nira adton diri natuod hito, bisan an tigurang nga lalaki nagsumat hito ngadto ha ira.

10 Kundi sigurado, an kinabuhi han akon suruguon in aada han akon pagtimangno; sanglit dire hiya pasasakitan nira, bisan kun hiya in gugubaon tungod ha ira. Kundi akon hiya pagtatambalon, kay igpapakita ko ha ira nga an akon kinaadman in darodako kontra han pagkatuso han yawa.

11 Tungod hine ine in mahinanabo nga hin-o man nga dire matuod han akon mga tugon, ako nga hi Jesucristo, nga hihimoon han Amay nga dad-on ngadto han mga Gentil, ngan tatagan ko hiya hin gahum nga iya ine pagdad-on ngadto ha mga Gentil, (ine matutuman subay han ginyakan ni Moises) hiya in mahigagawas ha butnga han akon mga tawo nga kaupod han ginkauyonan.

12 Ngan adton akon mga tawo nga nahisalin tikang kan Jakob in mahiuupod han mga Gentil, oo, ngan ha butnga nira sugad hin leon ha butnga han mga hayop ha kagurangan, sugad hin batan-on nga leon ha butnga han mga panon hin mga karnero, diin, kun makasulod in iya pagtatamakan ngan titipiktipikon nga magin gudti, nga diin waray makakatalwas.

13 An ira kamot in ig-aalsa ngadto han ira mga kaaway, ngan an ngatanan nga ira mga kaaway in mamamatay.

14 Oo, ngan kairo han mga Gentil ngan labot la nga hira in magbabasul; tungod kay ine in mahinanabo hadto nga tiarabot nga adlaw, siring han Amay, nga akon pamamatayon an mga kabayo ha kabutngaan niyo, ngan akon gugubaon adton iyo mga karuwahe;

15 Ngan akon igbubulag an mga siyudad han iyo katunaan, ngan akon gugubaon an iyo mga kuta;

16 Ngan akon igbubulag an mga barangan dida ha iyo katunaan, ngan dire na kamo magkakaada pa hin parupanigo;

17 Ngan an iyo inukit nga mga imahen in akon liwat igbubulag, ngan adton natukdaw nga mga imahen ha butnga niyo, ngan dire kamo magaampo hadton mga binuhat ha iyo mga kamot;

18 Ngan akon gagaboton adton mga puno ha butnga niyo; tungod kay akon gugubaon an iyo mga siyudad.

19 Ngan ine mahitatabo nga an ngatanan nga pagbinuwa, ngan mga panlimbong, ngan mga kaawa, ngan mga pag-aruaragway, ngan an mga dire tinuod nga saserdote, ngan panlilibog, in mauokoy.

20 Tungod kay ine in mahinanabo, siring han Amay, nga hadto nga tiarabot nga adlaw an hin-o man nga dire magbasul ngan dumaop ngadto han akon Hinigugma nga Anak, hira igbubulag ha hugpo han akon mga tawo, O sulod balay ni Israel;

21 Ngan akon hihimoon an akon pagbulos ngan kasina ha ira, bisan ngadto ha mga pagano, sugad han dire pa nira ine nahibatian.

22 Kundi kun hira in magbasul ngan manmati han akon mga tugon, ngan dire patig-ahon an ira mga kasingkasing, igtutukod ko an akon simbahan ha butnga nira, ngan hira in mahisasakop ha kauyonan ngan mahiuupod ha butnga hine adton nahibilin tikang kan Jakob, kun diin akon ighahatag ine nga katunaan agud ira panondon;

23 Ngan hira in mabulig han akon mga tawo, an nahibilin tikang kan Jakob, ngan liwat kun tiunan-o kadamo adton sulod balay ni Israel nga maabot, agud nira maitukod an bag-o nga siyudad, nga tatawagon nga Bag-o nga Jerusalem.

24 Ngan kahuman hira in mabulig han akon mga tawo agud hira in tirokon, nga nagpatsarang ha bawbaw han tuna, tipakadto ha Bag-o nga Jerusalem.

25 Ngan kahuman an gahum han langit in malusad ha butnga nira; ngan ako liwat an aada ha butnga nira.

26 Ngan kahuman an buruhaton han Amay in magtitikang hadto nga tiarabot nga adlaw, bisan ine nga ebanghelyo in igpapasamwak ngadto han nahisalin hine nga mga tawo. Kamatuoran nasiring ako ha iyo, hadto nga tiarabot nga adlaw an buruhaton han Amay in magtitikang ha butnga han ngatanan nga nagsarang nga akon mga tawo, ngan liwat, bisan adton tribu nga nawawara, nga ginpamunoan han Amay tipagawas han Jerusalem.

27 Oo, ngan an buruhaton in magtitikang ha butnga hadton nagsarang nga akon mga tawo, nga an Amay in nagandam han dalan diin hira in madaop ha akon, ngan hira in matawag han Amay pinaagi han akon ngaran.

28 Oo, ngan kahuman an buruhaton in magtitikang, ha Amay ngadto ha ngatanan nga nasud ha pagandam han dalan diin an iya mga tawo matitirok ha balay ngadto han tuna nga ira panunundon.

29 Ngan hira in magawas tikang ha ngatanan nga mga nasud; ngan hira in magawas nga dire magmamadali, o mapalagiw, tungod kay akon hira paguunahan, siring han Amay, ngan ako an ira magigin bantay ha talikuran.