1 Kundi kitaa, maabot an urhi nga adlaw nga maglalaga sugad hin hudno; ngan an ngatanan nga parayawnon, Oo, ngan an ngatanan nga nagbubuhat hin karaotan, in magigin dagami; ngan an urhi nga adlaw in maabot ngan hira in susunogon, siring han Ginoo han mga Kasundaluhan, ngan waray mahisasalin ha ira bisan gamot o sanga.

2 Kundi kamo nga nahadlok han akon ngaran, in pagpapakitaan han Anak han Katadungan nga may dara nga panambal ha iya mga pako; ngan kamo in malakat tipaunhan nga matubo sugad han nati nga baka ha toril.

3 Ngan iyo pagtatamakan adton magraot; kay hira in magigin agbon ha ilarum han rapadapa han iyo tiil hadton panahon nga akon buhaton ine, siring han Ginoo han mga Kasundaluhan.

4 Hinumdumi niyo adton balaod ni Moises, an akon suruguon, ngan akon iginsugo ngadto ha iya didto ha Horeb para han ngatanan nga Israel, bisan an mga kasugoanan ngan mga paghukom.

5 Kitaa, akon igpapadara ngada ha iyo hi Eliseo an propeta san-o umabot adton mahinungdanon ngan makalilisang nga urhi nga adlaw han Ginoo;

6 Ngan iya ibabalik adton kaburut-on han mga Amay ngadto ha mga anak, ngan an kaburuton han mga anak ngadto ha mga Amay, kun dire ako in maabot ngan kastiguhon an tuna hin usa nga sumpa.