1 Na bihain long dispela, samting em i bin raitim bai kamap olsem: Singim O meri, yu em i no karim pikinini, i stat long singsing, na singaut, yu em i no kisim pen wantaim pikinini, long wanem, ol pikinini bilong meri em i no save karim i moa long ol pikinini bilong meri em i save karim, Bikpela i tok.

2 Mekim ples bilong haus sel bilong yu kamap bikpela, na larim ol pipol taitim na mekim laplap kamap bikpela bilong windo long ples we i stap, noken holim bek, mekim ol rop bilong yu kamap longpela na strongim ol stek bilong yu,

3 Long wanem, yu bai winim long rait han na long lep han, na ol pikinini bilong yu bai kisim ol lain bilong Jentail bilong ol yet, na mekim ol pipol i stap long ol siti we ol pipol i no i stap.

4 Noken pret, long wanem, yu bai i no inap sem, na tu yu bai i no inap daunim, long wanem, yu bai i no inap sem, bikos yu bai lus tingting long sem bilong yu taim yu i stap yangpela, na bai i no inap tingim sem long taim yu i stap yangpela, na yu bai i no moa tingim sem long taim man bilong yu bin idai.

5 Long wanem, krieta bilong yu, man bilong yu, Bikpela bilong Planti i nem bilong em, Ridima bilong yu, Wanpela Holi Tasol bilong Israel—God bilong olgeta graun ol bai kolim em.

6 Long wanem, Bikpela i bin kolim yu olsem wanpela meri i bin lus na kisim pen long spirit, na yangpela meri bin marit, tasol man bin les long em, God bilong yu i tok.

7 Long wanem, mi bin lusim yu long liklik taim, tasol mi bai bungim yu wantaim bikpela marimari tru.

8 Mi belhat liklik na haitim pes bilong mi long yu long liklik taim, tasol mi bai marimari long yu, wantaim gutpela pasin oltaim oltaim, Bikpela Ridima bilong yu i tok.

9 Mi bin belhat liklik na haitim pes bilong mi long yu long liklik taim, wankain olsem long taim bilong ol wara bilong Noa long mi, long wanem, mi bin tok tru antap olsem mi bai no inap belhat wantaim yu, wankain olsem mi bin tok tru antap olsem ol wara bilong Noa bai i no inap moa karamapim graun.

10 Long wanem, ol maunten bai go awei na ol liklik maunten bai raus, tasol gutpela pasin bilong mi bai i no inap lusim yu, na tu kontrak bilong bel isi bilong mi bai i no inap raus, Bikpela em i marimari long yu i tok.

11 O yu husat kisim pen, win i tromoim yu, na i no kisim bel gut. Lukim, mi bai putim ol ston bilong yu wantaim kainkain kala, na sanapim as bilong em wantaim ston safaia.

12 Na mi bai wokim ol windo bilong yu wantaim ston aget, na ol dua bilong yu wantaim ol ston kabankel, na olgeta banis wantaim ol gutpela ston.

13 Na olgeta pikinini bilong yu bai skul long Bikpela, na Bikpela bel isi tru bai stap long ol pikinini bilong yu.

14 Yu bai kirapim bel isi, tingting bilong yu long kisim pen bai i stap longwe tru, bikos yu bai i no inap poret, na tingting bilong yu long poret bai i stap longwe tru, long wanem, poret bai i no inap kam klostu long yu.

15 Lukim, tru tumas, ol lain ol i bung wantaim long pait wantaim yu ol i no kisim tok orait long mi, husat man bai bung wantaim long pait wantaim yu bai pundaun bikos long yu.

16 Lukim, mi bin krietim blak smit em i winim kolta long paia, na em i wokim wanpela samting bilong wok long wok bilong em, na mi bin krietim man long bagarapim.

17 Nogat wanpela samting bilong pait ol i bin wokim long pait wantaim yu bai win, na yu bai kotim olgeta tang ol bai tok nogut long jasim yu. Dispela i ol samting bilong ol wokman bilong Bikpela, na stretpela pasin bilong ol i kam long mi, Bikpela i tok.