1 Na em i kamap we taim ol disaipel bilong Jisas wokabaut na autim ol samting we ol i bin harim na lukim, na wokim baptisim long nem bilong Jisas, em i kamap we ol disaipel ol i bin bung wantaim long mekim traipela beten tru na tambu long kaikai.

2 Na Jisas gen soim em yet long ol, long wanem, ol i beten long Papa long nem bilong em, na Jisas i bin kam na sanap namel long ol, na askim ol: Yupela laikim wanem mi bai givim long yupela?

3 Na ol tokim em: Bikpela, mipela laikim olsem yu bai tokim mipela wanem nem mipela bai givim long dispela sios, bikos i gat tok pait namel long ol pipol long dispela samting.

4 Na Bikpela tokim ol: Tru tumas, mi tokim yu, bilong wanem, olsem ol pipol bai tok baksait na tok pait bikos long ol dispela samting?

5 Ol i no ritim ol skripsa, i tok we yupela mas kisim antap long yu nem bilong Krais, em i nem bilong mi? Long wanem, yupela bai singautim dispela nem long las de,

6 Na husat man kisim antap long em nem bilong mi, na i stap strong i go long arere, dispela man yet bai kisim selvesen long las de.

7 Olsem na, wanem samting yupela bai wokim, yupela bai wokim long nem bilong mi, olsem na yupela bai kolim dispela sios long nem bilong mi, na yupela bai singautim Papa long nem bilong mi, olsem Papa bai blesim sios bikos long mi.

8 Na em i kamap sios bilong mi olsem wanem, sapos nem bilong mi i no givim long sios? Long wanem, sapos nem bilong Moses em i bin givim long sios, em i sios bilong Moses, o sapos nem bilong wanpela man em i bin givim long sios, em i sios bilong wanpela man, tasol sapos nem bilong mi mi bin givim long sios, em i sios bilong mi, sapos ol pipol bilong sios i sanap long gutnius bilong mi.

9 Tru tumas, mi tokim yupela, olsem yupela i sanap long gutnius bilong mi, olsem na, yupela bai kolim wanem nem yupela laik kolim, long nem bilong mi, olsem na sapos yupela singautim long Papa, long sios, na sapos yupela wokim long nem bilong mi, Papa bai harim yupela,

10 Na sapos sios i sanap long gutnius bilong mi, Papa bai soim wok bilong em yet.

11 Tasol sapos sios i no sanap long gutnius bilong mi, na i sanap long wok bilong ol man, o long wok bilong tewel, tru tumas, mi tokim yupela, ol i gat amamas long liklik taim long wok bilong ol, na arere bai kam bihain long liklik taim ol i amamas, na ol bai katim ol i go daun na tromoi ol i go long paia, we ol bai i no inap kam bek.

12 Long wanem, ol wok bilong ol bai bihainim ol, long wanem, ol i bin katim ol i go daun bikos long wok bilong ol, olsem na, tingim ol samting mi tokim yupela.

13 Lukim, mi givim gutnius bilong mi long yupela pinis, na dispela i gutnius em, mi bin givim long yupela—olsem mi bin kam long graun long bihainim laik bilong Papa bilong mi, bikos Papa bilong mi i bin salim mi kam.

14 Na Papa bilong mi i bin salim mi kam olsem ol bai litimapim mi long diwai kros, na bihain long ol i bin litimapim mi long diwai kros, olsem mi bai pulim olgeta man kam long mi, olsem Papa bai litimapim ol man wankain olsem ol man i bin litimapim mi, long sanap long pes bilong mi, long jasim ol long wok bilong ol, sapos ol wok bilong ol i gutpela o nogut—

15 Na ol i bin litimapim mi long dispela as, olsem na, mi bai pulim olgeta man kam long mi, olsem long pawa bilong Papa, olsem ol bai sanap long jasmen long wok bilong ol.

16 Na em bai kamap we husat man tanim bel na baptais long nem bilong mi bai kisim Holi Spirit, na sapos em i stap strong i go long arere, lukim, mi bai i no inap kotim em long ai bilong Papa long dispela de taim mi sanap long jasim graun.

17 Na man em i no i stap strong i go long arere, dispela man yet tu bai katim i go daun na tromoi em i go long paia, we ol bai i no inap moa kam bek, bikos long stretpela pasin bilong Papa.

18 Na toktok we em i bin givim long ol lain pikinini bilong ol man em i dispela. Na bikos long dispela as, em i bin mekim kamap tru ol toktok em i bin givim, na em i no giaman, tasol em i mekim kamap tru olgeta toktok bilong em.

19 Na nogat wanpela samting doti ken go insait long kingdom bilong em, olsem na nogat wanpela samting ken go insait long hap bilong malolo bilong em, tasol em ol lain ol i wasim ol klos bilong ol long blut bilong mi, bikos long bilip bilong ol, tanim bel long olgeta sin bilong ol, na strongpela bilip bilong ol i go long arere.

20 Nau lo em i dispela: Tanim bel, yupela long olgeta arere bilong graun, na kam long mi na baptais long nem bilong mi, olsem yupela bai kisim Holi Spirit long kamap holi, olsem yupela bai sanap klinpela tru long ai bilong mi long las de.

21 Tru tumas, mi tokim yupela, dispela i gutnius bilong mi, na yupela i save ol samting em yu mas wokim insait long sios bilong mi, long wanem, ol wok em yupela lukim i wokim, dispela yupela mas wokim tu, long wanem, yupela mas wokim wankain olsem yu bin lukim mi wokim,

22 Olsem na, bles yu, sapos yupela wokim ol dispela samting, long wanem, yupela bai bikpela i litimapim long las de.

23 Raitim ol samting we yu bin lukim na harim, tasol ol samting i bin tambuim.

24 Raitim ol wok bilong dispela ol pipol, em bai kamap, wankain olsem ol wok we i bin kamap na i bin raitim.

25 Long wanem, lukim, dispela pipol bai Bikpela i jasim ol wantaim ol buk ol i bin raitim na ol bai raitim, bikos ol man bai save long wok bilong ol long dispela ol buk.

26 Na lukim, Papa i bin raitim olgeta samting, olsem na olgeta pipol long graun bai em i jasim ol long ol buk em bai raitim.

27 Na yupela save olsem yupela bai kamap ol jas bilong ol dispela pipol, olsem long jasmen mi bai givim long yupela, em bai stretpela. Olsem na, wanem kain man yupela mas kamap? Tru tumas, mi tokim yupela, wankain olsem mi.

28 Na nau mi go long Papa. Na tru tumas, mi tokim yupela, wanem samting yupela bai askim Papa long nem bilong mi bai em i givim long yu.

29 Olsem na, askim na yupela bai kisim, nok na dua bai op long yu, long wanem, man em i askim, i kisim, na long man em i nok, dua bai op.

30 Na nau, lukim, amamas bilong mi i bikpela tru, na mi amamas nogut tru, bikos long yupela wantaim dispela jeneresen, ye, na tru tumas, Papa i amamas, na tu olgeta holi ensel, bikos long yupela na dispela jeneresen, bikos wanpela long ol i no lus.

31 Lukim, mi laikim olsem yupela mas save gut, long wanem, mi tok long ol lain ol i nau i stap laip long dispela jeneresen, na wanpela long ol i no lus, na mi amamas nogut tru long ol.

32 Tasol lukim, mi sore bikos long namba foa jeneresen long dispela jeneresen, bikos dispela man i lidim ol i go long kalabus, wankain olsem em i bin wokim long pikinini bilong kisim bagarap, long wanem, ol bai salim mi long silva na gol, na long dispela samting em liklik bataplai i bagarap na ol stilman ken brukim i go insait na stil. Na mi bai visitim ol long dispela de, olsem long tanim wok bilong ol na putim long het bilong ol.

33 Na em i kamap we taim Jisas pinisim ol dispela toktok em i tokim ol disaipel bilong em: Yupela go insait long stretpela dua, bikos dua i stretpela, na rot i liklik tru na em i lid i go long laip, na liklik namba long ol pipol ol i save painim dispela rot, tasol dua i op bikpela, na bikpela rot tru em i lid i go long idai, na planti pipol save go long dispela rot, i go inap long tudak i kam, we nogat wanpela man ken wok.