1 Na nau em i kamap we bihain Jisas autim ol dispela samting, em i tok klia long ol pipol, na em i tok klia olgeta samting long ol, bikpela tru wantaim liklik.

2 Na em i tok: Dispela ol skripsa we yupela i no kisim, Papa i bin tokim olsem mi mas givim long yupela, long wanem, em i bikpela save long em olsem ol mas givim long ol jeneresen long bihain taim.

3 Na em i bin tok klia long olgeta samting, tru tumas, long i stat tru i go inap long taim em bai kam long glori bilong em—ye, tru tumas, olgeta samting we bai kam long pes bilong graun, tru tumas, i go inap long ol bikpela tuhat tru bai kukim graun wantaim olgeta samting bai melt, na graun bai kamap olsem pepa ol i bin raunim long pasim, na olpela ol heven na graun bai pinis olgeta,

4 Na tru tumas long bikpela na las de, tru taim olgeta pipol, haus lain, nesen na tang bai sanap long pes bilong God, long em bai jasim ol long wok bilong ol, we ol i gutpela o nogut—

5 Sapos ol wok bilong ol i gutpela, long kirap gen bilong laip oltaim oltaim, na sapos nogut, long kirap gen bilong bagarap, tupela i stap long arasait tasol long stretpela lain, wanpela long wanpela han na narapela long narapela han, olsem long marimari, na stretpela pasin na pasin holi em i stap long Krais, em i bin i stap bipo long graun i bin kamap.

6 Na nau inap wan handret hap tok long ol samting em Jisas i bin lainim tru tru long ol pipol i no inap raitim long dispela buk.

7 Tasol, lukim, ol plet bilong Nifai i gat moa hap tok long ol samting em i bin lainim long ol pipol.

8 Na ol dispela samting mi raitim i wanpela liklik hap tok long ol samting em i lainim long ol pipol, na mi bin tingim long raitim ol olsem ol lain bilong Jentail bai kisim ol i kam gen long dispela pipol, olsem long ol toktok em Jisas i bin autim.

9 Na taim ol i kisim dispela samting, em i bikpela samting tru em ol mas kisim pastaim, long traim bilip bilong ol, na sapos ol i bilip long ol dispela samting, bikpela moa samting tru bai em i soim long ol long bihain.

10 Na sapos ol i no bilip long ol dispela samting, bikpela moa samting tru bai em i no inap soim long ol long bihain, na ol bai kisim bagarap.

11 Lukim, klostu mi raitim olgeta, we ol i bin katim na raitim long ol plet bilong Nifai, tasol Bikpela i tambuim, na tok olsem: Mi bai traim bilip long ol pipol bilong mi.

12 Olsem na, mi, Momon, raitim ol samting em Bikpela i bin tokim mi. Na nau, mi, Momon, pinisim ol toktok bilong mi, na i stat long raitim ol samting em Bikpela i bin tokim mi.

13 Olsem na, mi laikim olsem yupela mas lukim olsem Bikpela trutru i bin lainim ol pipol long tripela de, na bihain long dispela, em i bin soim em yet long ol olgeta taim, na brukim bret olgeta taim, blesim na givim long ol.

14 Na em i kamap we em bin lainim na minista long ol liklik pikinini bilong ol pipol we Mi bin toktok, na em i slekim ol tang bilong ol, na ol i toktok long ol papa bilong ol bikpela na ol gutpela samting tru, tru tumas, moa long ol samting em i bin soim long ol pipol, na em i slekim ol tang bilong ol olsem long ol i ken toktok.

15 Na em i kamap we bihain em i go antap long heven na go long Papa—na namba tu taim em i soim em yet long ol, na bihain long em hilim, olgeta sik lain, na ol lain bilong ol i no save wokabaut bilong ol, na opim ai bilong ai pas lain bilong ol, opim iyau bilong iyau pas, na tru tumas wokim olgeta kainkain hilin namel long ol, na kirapim wanpela man long idai, na soim pawa bilong em long ol, na go antap long Papa—

16 Lukim, em i kamap we ol planti pipol ol i bin bung wantaim ol yet long tumora, na ol lukim na harim ol dispela liklik pikinini, ye, tru tumas, ol bebi ol i bin opim maus bilong ol na autim gutpela ol samting tru, na ol samting ol i toktok i bin tambu olsem nogat wanpela man mas raitim.

17 Na em i kamap we ol disaipel em Jisas i bin makim ol i stat long dispela taim long baptais na lainim planti ol pipol ol i kam long ol, na planti lain ol i baptais long nem bilong Jisas i bin kisim Holi Spirit.

18 Na planti bilong ol i bin lukim na harim ol samting ol i no inap toktok long ol, em i bin tambu long raitim.

19 Na ol i lainim na minista namel long ol yet, na ol skelim olgeta samting namel long ol, wanwan man i bin wok stret, namel long ol yet.

20 Na em i kamap we ol i bin wokim olgeta samting wankain olsem Jisas i bin tokim ol.

21 Na ol lain ol i bin baptais long nem bilong Jisas ol i bin kolim sios bilong Krais.