1 Harim, O yupela ol lain bilong Jentail, na harim ol toktok bilong Jisas Krais, Pikinini bilong God i stap laip, we em i bin tokim mi olsem Mi mas toktok long yupela, long wanem, lukim, em tokim mi olsem mi mas rait, olsem:

2 Tanim, yupela olgeta lain bilong Jentail, long ol pasin nogut bilong yupela, na tanim bel, long ol pasin nogut bilong yupela, long ol giaman na pasin paul bilong yupela, long pasin pamuk bilong yupela, long pasin tokhait na les nogut tru bilong yupela, long lotu long god-giaman bilong yupela, long pasin kilim narapela man bilong yupela, long pasin giaman pris bilong yupela, long pasin mangal bilong yupela, long pasin pait bilong yupela, wantaim olgeta pasin nogut na pasin les nogut tru bilong yupela, na kam long mi, na baptais long nem bilong mi, olsem yupela bai rausim sin bilong yupela, na kisim Holi Spirit, inap long yupela bai kaunim yupela yet wantaim ol pipol bilong mi ol long haus bilong Israel.