1 Na nau, lukim, mi tokim yupela, olsem yu mas painim ol dispela samting. Ye, mi givim wanpela lo long yupela olsem yupela mas strong long painim ol dispela samting, bikos ol toktok bilong Aisaia em ol bikpela.

2 Long wanem, tru tumas, em i bin toktok long olgeta samting long ol pipol bilong mi ol long haus bilong Israel, olsem na i gat nid olsem em i mas toktok tu long ol lain bilong Jentail.

3 Na olgeta samting em i toktok i bin kamap tru na bai tru, wankain olsem em i bin tok.

4 Olsem na, harim ol toktok bilong mi, raitim ol samting mi bin tokim yupela, na ol bai go long ol lain bilong Jentail long taim na laik bilong Papa stret.

5 Na man em bai harim ol toktok bilong mi, tanim bel na baptais, wan kain bai kisim selvesen. Painim toktok bilong ol profet, bikos planti bilong ol testifai long ol dispela samting.

6 Na nau em i kamap we bihain long Jisas autim ol dispela toktok, em i toktok long ol gen, olsem bihain em i tok klia long olgeta skripsa long ol we ol i bin kisim, em tokim ol: Lukim, mi laikim yupela long raitim ol narapela skripsa we yupela i no raitim.

7 Na em i kamap we em i tokim Nifai: Kisim ol rekot em yupela lukautim i kam.

8 Na taim Nifai kisim ol rekot kam, na putim ol long pes bilong em, em lukluk long ol na tok:

9 Tru tumas, mi tokim yupela, mi bin tokim wokman bilong mi Samuel, wanpela long ol lain bilong Leman, olsem em mas testifai long dispela pipol, olsem long taim we Papa bai amamasim nem bilong em long mi, olsem planti seint bai kirap long idai, na bai ol i soim ol yet long planti pipol, na bai ol i minista long ol. Na em askim ol: Dispela i no kamap tru?

10 Na ol disaipel bilong em bekim em na tok: Ye, Bikpela, Samuel i bin profesai olsem yu bin toktok, na olgeta profesi i bin kamap tru.

11 Na Jisas askim ol: Bilong wanem, yupela i no raitim dispela samting, olsem planti seint i bin kirap na soim ol yet long planti pipol na minista long ol?

12 Na em i kamap we Nifai i tingim olsem dispela ol samting ol i no bin raitim.

13 Na em i kamap we Jisas i bin tokim olsem Nifai mas raitim dispela ol samting, olsem na dispela ol samting em i bin raitim olsem em i bin tok.

14 Na nau em i kamap we bihain Jisas tok klia long olgeta skripsa long wanpela taim, we ol i bin raitim, em givim lo long ol olsem ol i mas lainim ol samting we em i bin tok klia long ol.