1 Cuab pob ntseg, Au nej cov uas yog Lwm Haiv Neeg, thiab cia li hnov Yexus Khetos tej lus, Vajtswv tus uas tseem muaj txoj sia nyob tus Tub, tej uas nws tau txib kuv kom kuv yuav tsum hais txog nej, vim, saib seb nws tau txib kuv tias kom kuv yuav tsum sau, hais tias:

2 Cia li tig, tag nrho nej cov uas yog Lwm Haiv Neeg, ncaim ntawm nej tej kev phem; thiab cia li hloov siab ntawm nej tej kev ua phem, ntawm nej tej kev dag thiab tej kev ntxias, thiab ntawm nej tej kev sib daj sib deev, thiab ntawm nej tej kev ua dab, thiab nej tej kev pe dab pe mlom, thiab ntawm nej tej kev tua neeg, thiab nej tej kev ua xib hwb cuav, thiab nej tej kev xav tau luag tug, thiab nej tej kev sib cav sib ceg, thiab ncaim ntawm tag nrho nej tej kev phem thiab tej kev qias, thiab cia li los cuag kuv, thiab ua kev cai raus dej nyob ntawm kuv lub npe, xwv kom nej yuav tau txais zam txim ntawm nej tej kev txhaum, thiab kom muaj tus Vaj Ntsuj Plig Dawb Huv puv npo, xwv kom nej yuav raug suav nrog kuv cov neeg uas yog cov ntawm tsev neeg Ixayees.