1. E teianei, kua tata au, ko Moronai i te au tuatua tei akaueia mai iaku mei taku i maara ra; e kua akakite atu au kia koe i te tuatua no te au mea i tapiriia ra, no reira, auraka koe e rave i te reira kia rauka ia koe i te uri i te tuatua. No te mea kare e akatikaia kia rave i te reira kia tae i te tuatau e tikaia i te pakari o te Atua ra.

2. E i na, ka akatikaia koe kia akakite atu i teia au papa kia ratou te ka tauturu i te rave anga i teia nei angaanga ra.

3. E e akatikaia ïa e te mana o te Atua e nga tangata toko toru ra, no te reira ka kite papu ei ratou e, e tuatua mou teia nei au mea.

4. E na roto i te vaa o nga kite toko toru e akatikaiaʼi teia au mea nei, e ko te tuatua o teia toko toru nei e teia angaanga nei, na roto i te reira au mea, e akaariia atu ei te mana o te Atua e tana tuatua katoa, ta te Metua e te Tamaiti e te Vaerua Tapu e akakite mai. E kia tae ki te ra openga, ka riro ïa ei kite i to te ao katoa nei.

5. E kia tataraara ratou e kia tae ki te Metua i te ingoa o Iesu Mesia, ka arikiia ratou i roto i te basileia o te Atua ra.

6. E teianei, mei te mea kare oku mana kia tuatua atu i teia nei au mea, e akava kotou i te reira, kia kite oki kotou iaku, kia tu tatou ki mua i te Atua i te ra openga ra, e kite ei kotou e, tei iaku taua mana ra. Amene.