Sehluko 2
Jesu wanika bafundzi labangemaNefi labalishumi nakubili emandla ekuniketa sipho saMoya loNgcwele. Cishe ngemnyaka weNkhosi wa 401 kuya kuwa 421.
1 Emavi aKhristu, lawakhuluma kubafundzi bakhe, labalishumi nakubili labekabakhetsile, ngesikhatsi abeka tandla takhe kubo—
2 Wababita ngemabito, watsi: Niyawubita Babe egameni lami, emthandazweni lonemandla; futsi emvakwekutsi senikwentile loku niyawuba nemandla ekutsi loyo leniyawumbeka tandla, niyawumnika Moya loNgcwele; futsi niyawumnika egameni lami, ngoba benta njalo baphostoli bami.
3 Manje Khristu wakhuluma lamavi kubo ngesikhatsi avela kubo kwekucala; sicuku asiwevanga, kodvwa bafundzi baweva; futsi ngebuningi balabo labababeka tandla tabo, bamtfola Moya loNgcwele.