Sehluko 4
Indlela babonisi kanye nebaphristi lababusisa ngayo sidlo seNkhosi iyachazwa. Cishe ngemnyaka weNkhosi wa 401 kuya kuwa 421.
1 Indlela babonisi kanye nebaphristi babo labebabusisela ngayo libandla umtimba kanye nengati yaKhristu; bebakubusisa ngekwemiyaleto yaKhristu; ngaloko-ke siyati kutsi lendlela iliciniso; futsi umbonisi noma umphristi wakubusisa—
2 Bebaguca phansi nelibandla, bathandaze kuBabe egameni laKhristu, batsi:
3 Awu Nkulunkulu, Babe waPhakadze, siyakucela egameni leNdvodzana yakho, Jesu Khristu, kutsi ubusise uphindze ungcwelise lesi sinkhwa emiphefumulweni yabo bonkhe labo labasidlako; kute basidle njengesikhumbuto semtimba weNdvodzana yakho, futsi bakhombise kuwe, Awu Nkulunkulu, Babe waPhakadze, kutsi bayafisa kubitwa ngelibito leNdvodzana yakho, futsi bayikhumbule njalo, bagcine imiyaleto yayo leyibanikete yona, kute babe naMoya wayo njalo. Amen.