Sehluko 3
Babonisi bagcoba baphristi kanye nebafundzisi ngekubabeka tandla. Cishe ngemnyaka weNkhosi wa 401 kuya kuwa 421.
1 Indlela bafundzi, labebabitwa ngebabonisi belibandla, labebagcoba ngayo baphristi kanye nebafundzisi—
2 Emvakwekutsi sebathandazile kuBabe egameni laKhristu, babeka tandla tabo kubo, base batsi:
3 Egameni laJesu Khristu ngiyakugcoba kutsi ube ngumphristi (noma uma angumfundzisi, ngikubeka kutsi ube ngumfundzisi) kute ushumayele kuphendvuka kanye nekutsetselelwa kwetono ngaJesu Khristu, ngekubeketela ngelukholo egameni lakhe kute kube sekugcineni. Amen.
4 Babagcoba ngalendlela baphristi kanye nebafundzisi, ngekwetipho kanye nangekwelubito lwaNkulunkulu kubantfu; futsi babagcoba ngemandla aMoya loNgcwele, lowawukubo.