Wóltaʼii 25
Diyin Yá Yáłtiʼí Joseph Smith díí diyingo bił ííshją́ą́ ályaa, Harmony, Pennsylvaniadi, Yaʼiishjáástsoh 1830 yihahgo (wóltaʼii 24gi alą́ąjįʼ saad dashijaaʼígíí yídííłtah). Díí diyingo ił ííshją́ą́ eʼélʼyaa biyiʼ Diyin Bóhólníihii yinízinígíí Emma Smith yił ííshją́ą́ áyiilaa, Diyin Yá Yáłtiʼí bichʼooní.
1–6, Emma Smith, asdzáán aláahdi nídiiłtíinii, bichʼooní yíkáʼanálwoʼ dóó tʼáá yił hasih ayóósingo bikʼihodiiniiʼ; 7–11, Áádóó ałdóʼ naʼazohdoogo bikʼihodiiniiʼ, Diyin God bizaad hózhǫ́ yaa halneʼ doo, dóó diyin biyiin łaʼ néídidoonił; 12–14, Diyinkʼehgo deiyíkááhii dahataałgo éí Diyin Bóhólníihii yee yichʼįʼ sodadilzin; 15–16, Akʼeh hólʼį́ atłʼááh naazłéí díí diyingo ííshją́ą́ eʼélʼyaa tʼáá ałtsoní bídadéétʼiʼ.
1Emma Smith, shitsiʼ, nichʼįʼ yáshtiʼgo, Bóhólníihii nihiDiyin God bizhí yíísíníłtsʼą́ą́ʼ; háálá tʼáá aaníigo shí ándishní, tʼáá ałtso shinaʼnitin bee yisdáʼiildéehii nídeidiiláhígíí éí shił hazʼą́ądi shiyeʼké dóó shitsiʼké danilį́į doo.
2Shibiniyéi bikʼehgo nił ííshją́ą́ íʼiishłaa; áádóó shiinídlą́ągo dóó shidááhdóó chin naah ádingo yínááłgo, shí shinahjįʼ neʼiinaʼ doo atídoolníił da, áádóó Ziondi náhwiidooʼaał.
3Áko shooh, nibąąhági ádaatʼéii baa nisíníyáhą́ą́ naanídinishʼaah, dóó asdzáán aláahdi nídiiłtíinii nílį́, éí bikʼidiishniiʼ.
4Haʼátʼííshį́į́ tʼah doo yiniłtséhígíí biniinaa tʼáadoo akʼijįʼ yáníłtiʼí ʼ, háálá ni dóó nihokááʼ dineʼé nihitsʼąą kólyaa, hódzą́ shiiʼ siláhígíí bikʼehgo baa hodoolzhish.
5Áádóó naanish bee nikʼihodiiniiʼígíí éí shá naalʼaʼí, Joseph Smith, Jun., nahastiin, bichʼįʼ nahwiiʼnáago, saad bee haʼólníinii bee bichʼįʼ yáníłtiʼ doo, dóó aʼoh ádíínílzingo bił hasihgo íínísin doo.
6Áádóó chʼáánídídááhgóó bił naniʼaash doo, áádóó bá naʼázoohí nílį́į doo, bá naʼazoohí bá ádingo, áko shá naalʼaʼí, Oliver Cowdery, tʼáá áłtsogo dideeshʼaał.
7Áádóó Diyin God bizaad hózhǫ́ bee naʼnítin doogo niidoosį́į́ł, áádóó shiʼIiʼsizʼį́ Diyinii naayiléhígíí bikʼehgo, sodizin daʼatahígíí hasihgo nanítin doo.
8Háálá nitsiitʼááh dah didoolnih, áádóó Iiʼ Sizį́ Diyinii naa doolyééł, áádóó nídíízohígíí bee náhwiidooʼaał, áádóó ląʼígo bóhwiidííłʼááł.
9Áádóó tʼáadoo náníldzidí, háálá nahastiin sodizin biyiʼ nikééʼ sizį́į doo; háálá éí yikáʼanálwo doogo bee bikʼihodiiniiʼ, áko tʼáá ałtsoní bił ííshjání ádoolnííł, tʼáá ałtso bá nisinígíí, bidaʼoodląʼ bikʼehgo.
10Áádóó tʼáá aaníigo ánidishní díí nahasdzáán bikááʼ siléi nahjįʼ nideididooʼááł, dóó hózhǫ́ yáʼátʼéehii yikáʼádaatʼį́į doo.
11Áádóó nichʼįʼ kódoolnííł, áádóó ałdóʼ, Diyin biyiin dadílzinii ła náhidíílah, éí nichʼįʼ kódoolnííł, éí shí tʼáá íiyisíí shił yáʼátʼééh, éí shisodizin biyiʼ choodaaʼį́į doo.
12Háálá shiʼsizíinii hajéí sin biyiʼ hólǫ́ǫgo tʼáá íiyisíí shił nizhóní; aooʼ, diyinkʼehgo deiyíkááhígíí biyiin éí yee shichʼįʼ sodadilzin, áádóó bił éédahodoozįįłgo bee bikʼihojideeshdliił.
13Ákohgo, nijéí haʼólníi doo dóó yéego bił hoozhǫǫh, áádóó diyingo bee ahaʼdaʼdeestʼáanii íinilaaígíí tʼáá yíínítą.
14Tʼáá diyingo aʼoh ádíínílzin, dóó ádaahodzódlí bee ádaaʼákonínízin. Niʼiisizíinii éí nahastiin yéego baa bił hózhǫ́ǫ doo, dóó ayóó átʼáo baa haʼniih dooleeł.
15Tʼáá áłahjįʼ shibee hazʼáanii bikʼeh honíłʼį́, dóó diyinkʼehgo oodááłjí naatʼá chʼah naadootʼááł. Áádóó díí íínidzaago tʼéiyá, áko naasháhádi doo díínáał da.
16Áádóó tʼáá aaníí, tʼáá aaníigo, ándishní, áko díí shizhí tʼáá áłtsoní deididootsʼį́į́ł. Amen.