Wóltaʼii 80
Diyin Yá Yáłtiʼí Joseph Smith díí diyingo bił ííshją́ą́ ályaa éí Stephen Burnett yee yił hodoolnih biniyé, Hiram, Ohiodi, Wóózhchʼį́į́d 7, 1832 yihahgo.
1–5, Stephen Burnett dóó Eden Smith éí dooʼashjigo tʼáá bí bee bóhólníihgo nidíʼdinóotį́łígíí bee bikʼi hodiiniiʼ.
1Tʼáá aaníigo, Diyin Bóhólníihii shá naalʼaʼí Stephen Burnett kwííłní: Nílááh yínááł, nahasdzáán nidaneesʼą́ąjįʼ nihokááʼ diné daníístsʼą́ʼígíí tʼáá átʼé Diyin binahatʼá bee yisdáʼiildéehii bee bił hólneʼ.
2Áádóó bił naʼnishtin doo nínízinígíí biniinaa, shá naalʼaʼí Eden Smith nił yiʼash doo.
3Ákohgo, nílááh shinahatʼá bee yisdáʼiildéehii bee naʼnohtin, náhookǫs éí doodago shádiʼááhjigo, haʼaʼaahjigo éí doodago eʼeʼaahjigo, éí tʼáá nihí bee nihóʼhólnííh, háálá wohʼashjigo éí doo bee adoosih da.
4Éí bąą, sidohtsʼą́ʼígíí, dóó tʼáá aaníigo yinohdlánígíí, dóó tʼáá aaníigo nihił bééhoozinígíí éí bee naʼnohtin doo.
5Áko shooh, díí anihííłʼaʼígíí nihá yinízin, nihá Nináʼnídláii, Jesus Christ ndi. Amen.