1 Tʼáá aaníigo, díí tłʼoh naadą́ą́ʼ dóó tłʼoh naadą́ą́ʼ nahalinígíí bahaneʼ bikʼediitįįhii bídadéétʼiʼígíí, éí shá nidaołʼaʼí Diyin Bóhólníihii kónihiłní:

2 Áko shooh, tʼáá aaníigo Shí ánihidishní, nahasdzáán éí dáʼákʼeh átʼéé ńtʼę́ę́ʼ, áádóó álástsiiʼ kʼideidííláhígíí éí hastóí naakitsʼáadah ádaatʼį́;

3 Áádóó daʼiiłhaazh bikééʼdóó éí sodizin bá hooghan biyiʼ ayóó atiʼíłʼíinii, atsʼáʼníyáhígíí, ałjiłnii, azhą́ Babylon ndi, tʼáá éí ałʼąą dineʼé tʼáá ałtso bibąąh haʼíízhahí biyiʼígíí yiʼdiyoołdlį́į́ł, éí anaaʼí bijéí biyiʼ, azhą́ Chʼį́įdii ndi, éí atxisgo bóhólnííh dooleeł—áko shooh tłʼoh naadą́ą́ʼ nahalinígíí kʼiidíílá; ákohgo, tłʼoh naadą́ą́ʼ nahalinée éí tłʼoh naadą́ą́ʼ łaʼ yiyííghą́ą́ʼ áádóó sodizin daʼatahígíí diné doo kééhatʼíní góneʼ adeineeskaad.

4 Ákondi shooh, ákéedi yoołkáałdi, jó kʼad ndi Diyin Bóhólníihii Diyin bizaad nihichʼįʼ kóyoolííł, dóó bitʼąąʼ haníísą́ dóó tʼahdii ditʼódí yeeʼ—

5 Áko shooh, tʼáá aaníigo shí nihichʼįʼ haasdziih, tʼáá ákwííjį́ dóó tʼáá ákwíí tłʼééʼ diyin yá ndaalʼaʼí Diyin Bóhólníihii yichʼįʼ daachah, éí kʼad dáʼákʼeh deidoołdahgo yibaʼ hashtʼeʼ ádaʼdiilyaa;

6 Ákondi Diyin Bóhólníihii kóníigo yichʼįʼ haadzííʼ, tłʼoh naadą́ą́ʼ ndahalinígíí áłtsé tʼáadoo daohnizhí háálá tłʼoh naadą́ą́ʼ bitʼąąʼ éí tʼahdii daditʼódí (háálá tʼáá aaníigo nihedaʼoodląʼ éí doo dabidziil da), áko tłʼoh naadą́ą́ʼ doo adadidoołkʼą́ą́ł da.

7 Éí bąą, bíneʼdii tłʼoh naadą́ą́ʼ dóó tłʼoh naadą́ą́ʼ nahalinígíí ńléí ałtso daʼneestʼą́ąʼjįʼ bíneʼdii ałhąąh dínóosééł; áko índa tłʼoh naadą́ą́ʼ áłtsé ahąʼ ádadoohłííł tłʼoh naadą́ą́ʼ nahalinígíí bitahdóó, áádóó tłʼoh naadą́ą́ʼ ałtso ałhąʼ ádaołaago, áko shooh dadínóhʼį́į́ʼ dóó danółʼį́, tłʼoh naadą́ą́ʼ nahalinígíí ahídaastłʼǫ́ǫgo ałhanahidoojih, áádóó dáʼákʼéh bikááʼ chʼéédzíʼígíí adadidoolkʼą́ą́ł.

8 Éí bąą, Diyin Bóhólníihii kónihiłní, éí danihizhéʼé dabizázíyę́ę Diyin bibeʼadziilii dah deiyóléé ńtʼę́ę́ʼ—

9 Háálá bee nikʼidahozhdoodliiłígíí nihaa dahidoolyééł, atsʼíseekʼehgo, áádóó nihokááʼ dineʼé Christ bił Diyin God biiʼ nídanihiʼdeesʼį́į́ʼ ńtʼę́ę́ʼ—

10 Éí bąą niheʼiinaʼ dóó diyin bibeʼadziilii tʼah nihił dahólǫ́, áádóó tʼahdii tʼáá nihí dóó danihizází bił dahólǫ́ǫ doo éí hodeeyáádą́ą́ʼ Diyin yá yádaałtiʼí dahodísinígíí yee hadaasdzíʼę́ę bikʼehgo tʼáá ałtsoní ninádahaasyáajįʼ índa.

11 Éí bąą, shiyáʼátʼéehii tʼah ádaałʼį́įgo nihikʼihojídlíi dooleeł, éí Gentile dineʼé bá adinídíinii átʼée doo, áádóó díí Diyin bibeʼadziilii biníkááʼ góneʼ, shidineʼé Israel bá yisdáʼiiníłii nilį́į doo. Diyin Bóhólníihii éí díí yee ádííniid. Amen.