1 Tʼáá aaníigo, Diyin Bóhólníihii kóní: Baa hodoolzhish tʼáá ałtso diné bibąąhági ádaatʼéii yóóʼadeideezą́ągo dóó shaahakááhgo, dóó shízhiʼ yinahjįʼ sonídadilzįįhgo, dóó shiinééʼ yikʼeh dahółʼį́įgo, dóó shibee hazʼáanii yikʼeh dahółʼį́įgo, éí shiniiʼ deidoołtsééł dóó shí honishłónígíí bił béédahodoozįįł;

2 Áádóó áko shí tʼáá aaníí adinídíinii nishłį́ áko nihokááʼ dineʼé tʼááłáʼí nízinígo nihokááʼ yikááʼ niyáhígíí yiʼdiłdlaʼgo bił éédahoozįįh;

3 Áádóó áko nihiZhéʼé nilíinii biiʼ honishłǫ́, dóó nihiZhéʼé nilíinii shiiʼ ʼhólǫ́, áádóó nihiZhéʼé nilíinii dóó Shí tʼááłáʼí niidlį́—

4 NihiZhéʼé nishłį́ háálá tʼáá ałtsoní bee hólónígíí shee nílá, áádóó ałdóʼ aYeʼ éí nishłį́ háálá nahasdzáán bikáaʼjįʼ níyá dóó shitsʼíís hodílzingo hazlį́į́ʼ, áádóó nihokááʼ dineʼé baʼáłchíní bitah honishłǫ́ǫ́ ńtʼę́ę́ʼ.

5 Nahasdzáán bikááʼ níyá dóó shiZhéʼé tʼáá ałtsoní naanish bee ádeeshłíłígíí sheinílá, áádóó binaanish tʼáá ałtso sheiníláhígíí shinahjįʼ ííshjání ádaalyaa.

6 Áádóó John haiyísid dóó tʼáá aaníigo shiʼayóó átʼéii tʼáá átʼé yaa náʼíízoh, dóó John tʼáá átʼé yaa náʼíízohígíí náásgóó ííshją́ą́ ádadoolnííł.

7 Áádóó tʼáá aaníigo yaa haadzííʼ, kóníigo: Biʼayóó átʼéii yiiłtsą́, háálá hodeeyáádą́ą́ʼ hólǫ́, tʼáh doo nahasdzáán álnéhę́ędą́ą́ʼ;

8 Éí bąą, hodeeyáadi Saad jílį́, háálá bí éí Saad nilį́įgo, nahatʼá bee yisdáʼiildéehii yaa halneʼ—

9 Nahasdzáán biʼadinídíín dóó Yá Nináʼnídláii nilį́; Iiʼ Sizį́ Diyinii tʼáá aaníinii ííshją́ą́ áyoolíiłii nilį́įgo, nahasdzáán yikááʼ níyá, háálá nahasdzáán áyiilaa, nihokááʼ dineʼé beʼiinaʼ hwiiʼ hólǫ́ áko éí iinánígíí nihokááʼ dineʼé bá bee adinídíín.

10 Nahasdzáán ádaatʼéii éí tʼáá ałtsoní haidiilaa; nihokááʼ dineʼé ałdóʼ haidiilaa; áádóó bí binikááʼ góneʼ, dóó bí binahjįʼ, tʼáá ałtsoní haidiilaa.

11 Áádóó Shí, John, biʼayóó átʼéii tʼáá aaníí yiiłtsʼą́ągo baa hashneʼ, éí aTaaʼ Tʼáá Éí Tʼéiyá Bá Yizhchíinii biʼayóó átʼéii átʼé, éí hajoobaʼ dóó tʼáá aaníinii tʼáá ałtso bee hólǫ́, éí Iiʼ Sizíinii tʼáá aaníinii ííshją́ą́ áyoolíiłii ałdóʼ, éí bitsʼíís hazlį́įgo níyá, dóó nihitahgóó kééhatʼį́į́ ńtʼę́ę́ʼ.

12 Áádóó Shí, John, éí tʼáá ałtsoní áłtsé doo beiyílyáa da, ákondi ajoobaʼ doo nídínééshgóó bił kʼeeʼąą nídílzhishgo ajoobaʼ baa haasyá;

13 Áádóó éí tʼáá ałtsoní áłtsé doo beiyílyáa da, ákondi ajoobaʼ dóó atxisgo ajoobaʼ yee bidziil silį́į́ʼ, ńléí tʼáá ałtsoní beilyáajįʼ;

14 Áádóó ákótʼáo Diyin God biYeʼ bee yééjiʼ, háálá doo tʼáá ałtsoní beiyílyáa da.

15 Áádóó Shí, John, tʼáá aaníígo baa naʼiisézoh, dóó danólʼį́, yáʼąąsh ąą ádaadzaa, dóó Iiʼ Sizį́ Diyinii hasbídí nahalingo haiítʼaʼ, dóó hąąh dahneezdá, áádóó yáʼąąshdééʼ haʼoodzííʼ kóníigo: Díí shiYeʼ ayóó ííníshníinii átʼį́.

16 Áádóó Shí, John, tʼáá aaníigo shił bééhoozin tʼáá ałtsoní nihiZhéʼé nilíinii biʼayóó átʼéii beiyílyá;

17 Áádóó tʼáá ałtso adziilii beiyílyá, tʼáá áłah yáʼąąshdi dóó nahasdzáán bikááʼ, áádóó nihiTaaʼ nilíinii biʼayóó átʼéii bił hólǫ́ǫ ńtʼę́ę́ʼ, háálá bí bił hólǫ́ǫ ńtʼę́ę́ʼ.

18 Áádóó baa hodoolzhish, áko akʼeh dahonołʼį́įgo John tʼáá ałtso yaa náʼíízooígíí nihaa dahidoolyééł.

19 Díí bee nihichʼįʼ haasdzíʼígíí éí haitʼáo dahodínóhsingo bikʼidadiʼdoohtį́į́ł biniyé nihił hweeshneʼ, áádóó háí bá dahodínóhsin dooleełígíí nihił béédahózin doo, áko nihiZhéʼé nilíinii bízhiʼ binahjįʼ béédahodoohsįįł, áádóó beiníłką́ądi náasdi baa hoolzhiizhgo tʼáá ałtsoní nihaadahidoolyééł.

20 Háálá shibee hazʼáanii bikʼeh dahonołʼį́įgo tʼáá ałtso biʼayóó átʼéii nihaa dahidoolyééł, áko shí shinahjįʼ hadanołtʼée doo shí shiTaaʼ biʼayóó átʼéii sheiníláhígi átʼáo; éí bąą, Shí ánihidishní, ajoobaʼ doo nídínééshgóó bił kʼeeʼąą nídílzhishgo ajoobaʼ nihaa dahidoolyééł.

21 Áádóó áko, tʼáá aaníigo Shí nihichʼįʼ haasdziih, hodeeyáádą́ą́ nihiZhéʼé nilíinii bíł honishłǫ́ǫ́ ńtʼę́ę́ʼ, dóó Áłtsé Yizhchíinii nishłį́;

22 Áádóó tʼáá ajíłtso shí shinahjįʼ hweʼiinaʼ łah ádajiilaa áko biʼayóó átʼéii haa dahaasyá, éí Áłtsé Yizhchíinii bisodizin yidahidiikai.

23 Nihí ałdóʼ nihiZhéʼé nilíinii hodeeyáádą́ą́ʼ bił dahonohłǫ́ǫ ńtʼę́ę́ʼ; éí Iiʼ Sizį́ Diyinii nilį́, éí Iiʼ Sizíinii tʼáá aaníinii ííshją́ą́ áyoolíiłii ałdóʼ nilį́;

24 Áádóó tʼáá aaníinii éí kʼad baa éédahózinii, dóó ádaatʼéhę́ę, dóó náásgóó ádahodooníiłii ádaatʼé;

25 Áádóó díidí bilááhgóó dóó biʼohgo haʼoodzíhígíí éí doo yáʼáshóonii bitsʼą́ą́dóóʼ yitʼihígíí ádaatʼé éí hodeeyáádą́ą́ʼ biyoochʼííd.

26 Iiʼ Sizíinii tʼáá aaníinii ííshją́ą́ áyoolíiłii éí Diyin God bitsʼą́ą́dóó átʼé. Shí éí Iiʼ Sizíinii tʼáá aaníinii ííshją́ą́ áyoolíiłii nishłį́, áádóó John éí tʼáá aaníigo shaa haadzííʼ, kóníigo: Éí tʼáá aaníinii tʼáá ałtso beiyílyá, aooʼ, tʼáá aaníinii tʼáá ałtso;

27 Áádóó diné doo łaʼ tʼáá ałtsoní baa doolyééł da tʼáá hazhóʼí Diyin bibee hazʼáanii yikʼeh hółʼį́įgo tʼéiyá.

28 Tʼáá háiida Diyin bibee hazʼáanii yikʼeh hółʼínígíí éí tʼáá aaníinii dóó adinídíinii baa doolyééł, éí tʼáá aaníinii dóó tʼáá ałtsoní béédahózinígíí yee ayóó átʼé dadooleeł.

29 Nihokááʼ dineʼé ałdóʼ hodeeyáádą́ą́ Diyin God yił hólǫ́ǫ ńtʼę́ę́ʼ. Íniʼ, éí doodago tʼáá aaníinii bibee adinídíinii, éí tʼahdoo álnééh da éí doodago hadilnééh da ńtʼę́ę́ʼ, éí tʼahdoo hadilnééh da ńtʼę́ę́ʼ.

30 Tʼáá ałtso tʼáá daʼaaníinii éí Diyin God niiníláhígíí tʼáá bí bóhólníihgo bił hazʼą́, tʼáá bi eʼéłʼį́įgo, áádóó tʼáá átʼé íniʼ ádaatʼéii ałdóʼ ákódaatʼé; doo ákótʼéégóó éiyá doo hiinání da dooleeł ńtʼę́ę́ʼ.

31 Áko shooh, kǫ́ǫ́ʼ éí nihokááʼ dineʼé tʼáá bí átʼį́įgo ályaa, áádóó kǫ́ǫ́ éí nihokááʼ dineʼé bee akʼihodidootʼáłígíí silá; háálá hodeeyáádą́ą́ʼ nidahaasyáhą́ą tʼáá baahatʼaadí bił ííshją́ą́ ádaalyaa, ákondi adinídíín tʼáadoo nídeidiiláa da.

32 Áádóó nihokááʼ dineʼé adinídíín tʼáadoo nídeidiiláhígíí éí bee bikʼihodidootʼáłígíí bikʼi naazláa doo.

33 Háálá nihokááʼ dineʼé éí iiʼ sizíinii danilį́. Bee hadaʼdilyaaígíí éí hoolʼáágóó dahólǫ́, áádóó iiʼ sizíinii dóó nihitsʼíís bee hadilyaaígíí, doo ałtsʼá dooʼnił da, ákótʼáo tʼéiyá ił hózhóonii tʼáá átʼé haa dahidoolyééł;

34 Áádóó ałtsʼánilgo éí, nihokááʼ dineʼé doo tʼáá átʼé ił hózhóonii baa dahidoolyééł da.

35 Bee hadaʼdilyaaígíí éí Diyin God yiiʼ kééhatʼíinii átʼé; aooʼ, nihokááʼ dineʼé éí Diyin God yiiʼ kééhatʼíinii danilį́, Diyin bighan ntsaaígíí ałdóʼ danilį́; áádóó diné łaʼ Diyin God bighan ntsaaígíí yiyííłchxǫʼgo, éí Diyin bighan ntsaa nilínígíí ałdóʼ Diyin God bidoołchxǫǫł.

36 Diyin God biʼayóó átʼéii éí íniʼ átʼé, éí doodago éí, kótʼáo ałdishní, adinídíinii dóó tʼáá aaníinii átʼé.

37 Adinídíinii dóó tʼáá aaníinii éí biʼiinízįįd nilíinii yóóʼiididooʼááł.

38 Tʼáá ałtso nihokááʼ dineʼé biiʼ sizíinii hodeeyáádą́ą́ʼ baʼátʼéʼ ádaadin ńtʼę́ę́ʼ; Diyin God éí Adam asihyę́ę biniinaa nihokááʼ dineʼé yá nináʼnídlá, éí binahjįʼ nihokááʼ dineʼé niłtólí nídaasdlį́į́ʼ, áko awééʼ danilį́įgo, Diyin God bidááhdóó baʼátʼéʼ ádaadin.

39 Áádóó doo yáʼáshóonii nilíinii éí nihokááʼ dineʼé baʼáłchíní, doo akʼeh dahółʼį́į́góó, adinídíinii dóó tʼáá aaníinii yighaidooléełgo yíká naaghá, dabizázíyę́ę biʼádaʼoolʼįįłii ałdóʼ biniinaa.

40 Ákondi shí éí nihaʼáłchíní adinídíinii dóó tʼáá aaníinii bee biyaa dahoołʼaah nihidííniid.

41 Ákondi Shí tʼáá aaníigo nihichʼįʼ haasdziih, shá naalʼaʼí Frederick G. Williams, díí tʼahdii nikʼijįʼ yisdzoh;

42 Naʼáłchíní tʼahdoo adinídíinii dóó tʼáá aaníinii bee hazʼáanii bikʼehgo, nanítin da; dóó tʼahdii, doo yá áshóonii bibeʼadziilii, nikʼeh didlį́, dóó éí biniinaa nichʼįʼ nahwiiʼná.

43 Áádóó áko bee hazʼáanii łaʼ Shí naa nishłé—yisdáshidiʼdooltééł nínízingo éí naʼáłchíní hazhóʼí nadíníítįįł, háálá nighan góneʼ tʼáá ląʼí da doo ákódaatʼéego nihił hazʼą́.

44 Tʼáá aaníigo, shá naalʼaʼí Sidney Rigdon ábidisní, baʼáłchíní yinooséełgi łahgi bee hazʼáanii doo yikʼeh hólʼį́į da; éí bąą, nighan hazʼą́ągi áłtsé hazhóʼí hashtʼenilééh.

45 Tʼáá aaníigo, shá naalʼaʼí Joseph Smith, Jun. ábidishní, éí doodago kótʼáo ałdishní, shikʼisoo danihidishníi doo, háálá shikʼisoo danohłį́, áádóó shił hazʼą́ądí shaa nídahidoohkah—

46 Áádóó nihokááʼ dineʼé biniinaa shá ndaalʼaʼí nihidishní, áádóó shí shiniinaa nihí bá ndaałʼaʼí danohłį́—

47 Áádóó áko, Shí tʼáá aaníigo Joseph Smith, Jun. bichʼįʼ haasdziih—Ni éí bee hazʼáanii tʼáadoo bikʼeh hwííníłʼįįd da, éí biniinaa Diyin Bóhólníihii bidááhdóó nichʼá hodiʼdooshkeeł;

48 Neʼasdzáán dóó neʼáłchíní ádaa nídaʼdookąął dóó doo ákótʼáo ádeiłʼínígíí yóóʼadeididooʼááł, áádóó nibee hazʼáanii yéego yikʼeh dahółʼį́į doo, éí doodago éíí bee bikʼidahodiiniiʼyę́ę nahjįʼ kódadoolnííł.

49 Tʼááłʼáʼí bee bichʼįʼ haasdzíʼígíí éí tʼáá ałtsoní bee bichʼįʼ haasdzííʼ dooleeł; tʼáá áłahjįʼ sodadołzin doo kódaahtʼį́į́góó éí doo yáʼáshóonii nihikʼi bóhólníih dooleeł, dóó bee nihikʼidahodiiniiʼyę́ę yitsʼá nihidoolóós.

50 Shá naalʼaʼí Newel K. Whitney ałdóʼ, éí shisodizin bá hooghan biyiʼ bishop nilį́, éí baʼáłchíní doo hazhóʼí neinitinígíí biniinaa, bichʼá hodiʼdooshkeeł, áko tʼáá hooghangi bindaanishígíí yaa ákódanízingo yéego ádeiłʼį́į doo, áádóó tʼáá áłahjįʼ sodadilzin doo, éí doodago éí bee bikʼidahodiiniiʼyę́ędóó nahjįʼ kódabidiʼdoolnííł.

51 Áko, shikʼisoo danohłíinii, Shí tʼáá aaníigo nihichʼįʼ haasdziih, bíniʼdii shá naalʼaʼí Sidney Rigdon tsxíiłgo, dahdidoogááł, áádóó kʼad yihahígíí biyiʼ Diyin Bóhólníihii doogáałgo bá ashjaʼósin doo, áádóó Jesus binahatʼá bee yisdáʼiildéehii, yee hadoodzihígíí bee bił hodeeshnih; áádóó niheʼoodląʼ bee łaʼ danohłį́įgo bee sodadoołzingo shí shił tʼáá áko doo.

52 Áádóó bíniʼdii shá naalʼaʼí Joseph Smith, Jun., dóó Frederick G. Williams ałdóʼ tsxíiłgo dahdidooʼash, beʼoodląʼ yinahjįʼ sodilzingo baʼ doolyééł; shizaadígíí yikʼeh hółʼį́įgo díí nahasdzáán bikááʼgóó doo háida bił hodoołąął da, áádóó nááná łaʼ hazʼą́ądi ndi.

53 Áádóó, tʼáá aaníigo Shí nihichʼįʼ haasdziih, ákohgo íínisingo tʼáá tsxį́łígo shizaad nááná łaʼ saadjígo ádadoohłííł, áádóó ałkʼidą́ą́ ádahóótʼįįdyę́ę, áádóó hadahwiisdzoh, dóó óhólnííh ndahazʼą́ą́góó ałdóʼ baa daʼíídóółtah, Diyin God dóó nihokááʼ dineʼé bibee hazʼáanii ałdóʼ, díí éí tʼáá ałtso Zion yisdáʼdookah biniyé. Amen.