Ngaahi Talanoa Mei he Folofolá
Ko Ha ʻAʻahi meia Sione Papitaiso
Vakai Haʻu, ʻo Muimui ʻIate Au ki he Tokatēline mo e Ngaahi Fuakava 12–3; Siosefa Sāmita—Hisitōlia 1:66–75.
ʻI he ʻaho ʻe taha ne ʻi ai ha fehuʻi ʻa Siosefa Sāmita mo ʻŌliva Kautele. Ko e hā ʻa e founga totonu ke papitaiso aí? Na‘á na lotu ke ʻilo ʻa e talí.
Ne hā mai ha ʻāngelo. Ko Sione Papitaiso. Na‘á ne papitaiso ʻa Sīsuú. Na‘á ne talaange kiate kinaua naʻá na fie maʻu e lakanga fakataulaʻeikí ke papitaiso e kakaí.
Na‘e tāpuakiʻi ʻe Sione ʻa Siosefa mo ʻŌliva. Naʻá ne foaki kiate kinaua ʻa e lakanga fakataulaʻeikí. Naʻá na lava he taimí ni ʻo papitaiso ʻa e kakaí ʻi he founga ne papitaiso ai ʻa Sīsuú.
Na‘e papitaiso ʻe Siosefa ʻa ʻŌliva ʻi he vaitafé. Hili iá pea papitaiso leva ʻe ʻŌliva ʻa Siosefa. Naʻe papitaiso foki mo ha tokolahi kimui ange ai.
Koe‘uhí naʻe tali ʻe he Tamai Hēvaní ʻa e lotu ʻa Siosefa Sāmitá, naʻe toe ʻi ai e lakanga fakataulaʻeikí ʻi he māmaní! ʻE lava ke u papitaiso ʻo hangē ko Sīsuú.
Tā fakatātaaʻi ʻe Apryl Stott