Tokoni Hangē ko Sīsuú
Naʻe Vahevahe ʻe Sīsū ʻa e Ongoogoleleí
‘Oku fiekaia ʻa e kakaí ʻi he taimi ʻoku fie maʻu ai ʻe honau sinó ʻa e meʻatokoní. ‘Oku nau fiekaia ʻi ha founga kehekehe ʻi he taimi ʻoku nau fie maʻu ai ke fanongo ki he ongoongoleleí.
ʻI he ʻaho ʻe taha naʻe omi ha kakai ʻe lau afe ke vakai kia Sīsū. Na‘e fafanga kinautolu kotoa ʻe Sīsū ʻaki ha foʻi mā ʻe nima mo ha mataʻi ika siʻisiʻi pē.
‘I he ʻaho hono hokó, naʻe toe omi ʻa e kakaí kia Sīsū. Na‘e talaange ʻe Sīsū ke nau kumi ha faʻahinga mā kehe. Naʻá Ne pehē, “Ko au ko e mā ʻo e moʻuí.” Kapau ʻe maʻu ʻe he kakaí Ia mo ʻEne ongoongoleleí, he ʻikai teitei fiekaia honau laumālié.
Naʻá ku talaange ki hoku kaungāmeʻá ʻi ha taimi ʻe taha, “ʻOku ou ʻalu ki he lotú ʻo ako fekauʻaki mo hotau Fakamoʻui ko Sīsū Kalaisí.” Naʻá ne kamata kimui ange ke haʻu mo kimautolu ki he lotú. Na‘á ne pehē ʻokú ne fie papitaiso ʻi he vave tahá! Naʻá ku fiefia loto ai.
Mele E., taʻu 8, ʻIutā, USA
Tā fakatātaaʻi ʻe Peter Francis