Haʻu, ʻo Muimui ʻIate Au
Taimi Fiefia ʻi he Folofolá ma‘á e Fānau Īkí
ʻOku ʻalu fakatatau ʻa e ngaahi fakakaukau ko ʻení mo e Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí he uike kotoa pē.
Ki he Tokāteline mo e Ngaahi Fuakava 10–11: Tokoni ki ho fānau īkí ke nau fakapāpela mo pehē, “ʻOku tokoni ʻa e lotú ke u mālohi.” Tokoni leva ki ho fānaú ke nau hiki e ngaahi meʻa te nau lava ʻo lotua ai ha tokoní.
Ki he Tokāteline mo e Ngaahi Fuakava 12–13; Siosefa Sāmita—Hisitōlia 1:66–75: Sio ʻi he ngaahi peesi ʻo e makasini ko ʻení mo tokoni ki hoʻo fānau īkí ke tuhu ki he fakatātā ʻo e kakai ʻoku papitaisó. Tokoni ke nau lea he taimi takitaha, “Te u lava ʻo papitaiso ʻi ha ʻaho.”
Ki he Tokāteline mo e Ngaahi Fuakava 14–17: Tokoni ki hoʻo fānau īkí ke nau lea ʻo pehē, “Te u lava ʻo tokoniʻi e niʻihi kehé ke nau ako fekauʻaki mo Sīsū.” Vahevahe leva mo kinautolu hoʻo talanoa pe hiva manako fekauʻaki mo Sīsuú.
Ki he Tokāteline mo e Ngaahi Fuakava 18–19: Tokoni ki hoʻo fānau īkí ke nau lea ʻo pehē, “ʻOku ou mahuʻinga ki he Tamai Hēvaní.” Hivaʻi leva ʻa e “Fānau Au ʻa e ʻOtuá” (Tohi Hiva ʻa e Fānaú, 2) pea ʻai ke fāʻofua e fānaú kiate kinautolu pē ʻi heʻenau hivaʻi e ngaahi lea, “Fānau au ʻa e ʻOtua.”
Ngaahi tā fakatātā ʻa Alessia Girasole