Kaumeʻa ki he Kaumeʻa
Ongo‘i e ʻOfa ʻa Kalaisí
Mei ha ‘initaviu mo Heili Ianisī.
‘I heʻeku tupu hake ʻi Siapaní, naʻe ʻomai ha Tohi Tapu kiate au ʻi he akó. Na‘e tuʻu fakataha ai e ngaahi lea faka-Pilitāniá mo e faka-Siapaní he tafaʻakí. Naʻe talamai ʻe heʻemau pule akó ke mau fakaʻaongaʻi ia ke ako e lea faka-Pilitāniá.
‘I heʻeku lau iá, naʻá ku ako ai kau kia Sīsū. Ko hai ‘a e tokotaha ko ʻeni ʻoku fonu ʻi he ʻofá? Ko ʻeku fifilí ia. Naʻe fakafiefiaʻi au ʻe he ngaahi lea naʻá Ne lea ʻakí. Naʻá ku fie ʻilo lahi ange ʻo kau kiate Ia.
Hili ha kiʻi taimi mei ai, ne u fetaulaki ai mo e ongo faifekaú. Na‘á na foaki mai ha Tohi ʻa Molomona ʻo kole mai ke u lau mo lotua ia. Naʻá ku saiʻia foki he lau fekauʻaki mo Sīsū ʻi he Tohi ʻa Molomoná. Na‘á ku lotu pea ongoʻi naʻe moʻoni ia.
Ne ʻikai loto ha taha ʻi hoku fāmilí ke u ako fekauʻaki mo e Siasí. Na‘e akoʻi ʻe Sīsū ʻoku totonu ke tau fakaʻapaʻapa ki heʻetau ongomātuʻá, ka naʻe ʻikai loto ʻeku ongomātuʻá ke u kau ki he Siasí. Naʻe faingataʻa ia.
Na‘á ku talaange ki heʻeku ongomātuʻá ʻa e meʻa naʻá ku ongoʻí. Na‘á ku fakamatala ange kiate kinaua fekauʻaki mo ʻeku lotú. Naʻe ʻikai mahino ia kiate kinaua. Naʻá na fifili ki he ʻuhinga naʻá ku loto ai ke tukuange ʻemau tui fakalotú.
Naʻá ku feinga pē. Ne faifai pea pehē ʻe heʻeku ongomātuʻá te u lava ʻo papitaiso. Hili ha ngaahi ta‘u lahi mei ai, naʻe papitaiso foki mo ʻeku faʻeé.
‘Oku ou ʻilo naʻe tāpuekina au ʻi heʻeku loto ke muimui kia Sīsuú. ‘Oku ou saiʻia he ako fekauʻaki mo Iá, pea ʻoku ou ʻiloʻi ʻoku ʻomi e ngaahi tāpuakí ʻi he muimui kiate Iá.
ʻOku Finangalo ʻa Sīsū Ke u Muimui Kiate Ia
‘Oku finangalo ʻa Sīsū ke tau muimui kiate Ia ʻaki ʻetau papitaisó. Lau ʻa e ngaahi vēsí. Valivali leva ʻa e ngaahi fuo tataú.
Tā fakatātā ʻe Alyssa Petersen
Tā fakatātā ʻa Beth Whittaker