Si‘i Ngaahi Kaungāmeʻa,
ʻOku fekauʻaki ʻa e makasini ko ʻení mo e ngaahi tāpuaki kotoa pē ʻo e papitaisó! Ko e taha ia ʻo e ngaahi meʻa lelei taha te ke lava ʻo fakahokó. Te ke palōmesi ke muimui kia Sīsū Kalaisi. Te ke hoko ko ha mēmipa ʻo Hono Siasí. Pea ‘i he taimi ʻoku hilifakinima ai koé, te ke maʻu ʻa e Laumālie Māʻoniʻoní ke tataki koe ʻi ho hala foki ki he Tamai Hēvaní. Ko e peesi ʻe fiha te ke lava ʻo maʻu ʻi he makasini ko ʻení ʻoku fekauʻaki mo e papitaisó mo e Laumālie Māʻoniʻoní?ʻOku mau ʻofa atu, Ko e Kaumeʻá
Feituʻu Te u Lau ai ʻa e Kaumeʻá
ʻOku lau ʻe Taniela C., taʻu 12, Sūlia, Venesuela, ʻa e Kaumeʻá ʻi he lea faka-Sipeiní. ʻOkú ne saiʻia ke ʻave ʻa e makasiní ki hono ngaahi kaungāmeʻá!
ʻOKU OU SAIʻIA he Sio ki he Temipalé
Naʻa mau ongoʻi e ʻikai ke mau lava ʻo ʻalu ki he temipalé ʻi hono tāpuni koeʻuhí ko e COVID-19. Ko ia ne u langa ai haʻamau temipale ʻi ʻapi!
ʻIlaiame P., taʻu 10, Palapani Noate, Netalení
Ko e Ako ke Lotú
‘Oku ou saiʻia hono faʻu e meʻa naʻe hoko ʻi he vaotaá mo ako fekauʻaki mo ʻĪnosí (Māʻasi 2020). Naʻá ku ako ai ʻo ʻilo te u lava ʻo lotu ʻi ha faʻahinga taimi pē.
Petanī S., taʻu 6, Tasimēnia, ʻAositelēlia