Nima Fietokoni ‘i he funga ʻo e Māmaní
Feʻiloaki mo Lealiʻi mei Tahití
Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fai ‘e Sīsuú.
Ngaahi me‘a kotoa fekauʻaki mo Lealiʻí
Taʻu motuʻá: 9
Mei: Tahiti
Lea fakafonuá: Falanisē
Fāmilí: Faʻē, Tamai, mo e ngaahi tokoua ʻe toko tolu, mo ha tuofefine
Ngaahi taumuʻá mo e fakaʻānauá: 1) Ako ke tā piano. 2) Lau kotoa e Tohi ʻa Molomoná. 3) Hoko ko ha toketā pe ko ha pailate.
Ko e Nima Fietokoni ʻo Lealiʻí
ʻOku saiʻia ʻa Lealiʻi ʻi heʻene kuifefine ko Memí. ʻOkú ne lava ʻo vaʻinga ʻi he matātahí mo pō ika ʻi he anovaí. ʻOkú ne kai e mangó mo e siainé mei he ʻulu ʻakaú. ʻI he ngaahi taʻu siʻi kuohilí, naʻá ne fetaulaki ai mo e ongo kaungāmeʻa ʻo Memí ko Kali mo Mia.
Ko e pongipongi kotoa pē ʻe lau fakataha ʻe Lealiʻi mo Memi ʻa e Tohi ʻa Molomoná. Na‘e kamata ke kau atu ʻa Kali mo Mia mo kinaua. Naʻe tokoni ʻa Lealiʻi ke fakamatalaʻi ʻa e folofolá ke mahino ngofua.
Na‘e saiʻia ʻa Lealiʻi mo hono ngaahi tokouá he tokoni kia Kali ʻi he taumātaʻú. ʻI he ʻaho ʻe taha naʻe pehē ai ʻe Lealiʻi, “Tau lotu ke tau malu mo maʻu ha ika lahi.” ʻI he ʻaho ko iá naʻe maʻu ʻe Kali ha ika ʻo lahi ange ʻi ha toe taimi kimuʻa! Na‘e fakakaukau ʻa Kali ke ne lotu maʻu pē kimuʻa peá ne ʻalu ʻo taumātaʻú.
Naʻe teuteu ʻa Lealiʻi ke ne papitaiso. Naʻá ne talaange kia Kali fekauʻaki mo ia. Naʻe haʻu leva e ongo faifekaú ʻo akoʻi lahi ange ʻa Kali mo Mia fekauʻaki mo e ongoongoleleí. ‘I he taimi naʻe papitaiso ai ʻa Kali mo Miá, naʻe ʻi ai ʻa Lealiʻi. Na‘á ne pehē, “ʻOku ou fiefia ʻaupito ʻi he loto ʻa Kali ke molomolo muivaʻe ʻia Sīsuú.”
Ngaahi Meʻa ʻOku Saiʻia Taha ai ʻa Lealiʻí
Feitu‘ú: ʻApi ʻo Memí
Talanoa kau kia Sīsuú: ʻI Heʻene fafanga ha kakai tokolahi ʻaki ha mata‘i ika ʻe ua mo e foʻi mā ʻe nimá
Hiva Palaimelí: “I Know That My Saviour Loves Me (ʻOku ou ʻIlo ʻOku ʻOfa Hoku Fakamoʻuí ʻIate Au)” (Friend, March 2015)
Me‘akaí: Sasimi ngaohi ʻaki e ika foʻou mei tahi mo e keke sokoleti mei he tohi fakahinohino kuki ʻa ʻene ongo kui-uá.
Lanú: Kulokula
Lēsoni he akó: Fika
Tā fakatātaaʻi ʻe Maarten Lenoir