Kau ʻAposetolo ʻi he Funga Māmaní

Ko e ʻAʻahi ʻa ʻEletā Hōlani ki ʻAfiliká

Na‘e ʻaʻahi ʻa ʻEletā Hōlani ki ha fonua ʻe tolu—Saute ʻAfilika, ʻEngikola, mo Mosemipiiki.

Naʻe lea ʻa ʻEletā Hōlani ʻi Saute ʻAfilika ki he kakai ʻe toko 7,500. Mahalo ko e fakatahaʻanga tokolahi taha ia ʻo e kāingalotu ʻo e Siasí kuo fakahoko aí!

Naʻe fakaafeʻi ʻe ʻEletā Hōlani ha ongo tamaiki tangata taʻu 14 ʻi Mosemipiiki ke tuʻu hono tafaʻakí. Na‘á ne fakamanatu ange ki he kakaí naʻe taʻu 14 ʻa Siosefa Sāmita ʻi heʻene maʻu e ʻUluaki Mata Meʻa-Hā-Maí.

“Ko e hā pē ʻa e palopalema ʻi he māmaní, ko e talí ʻa e ongoongolelei ʻo Sīsū Kalaisí.”*

ʻEletā Jeffrey R. Holland