Tusia e You
Lototele i le Aufaipese
Saunia e Scarlett H., 9 tausaga, Oxfordshire, Egelani
A o ou i ai i le vasega lua, sa ou alu i le aufaipese i Aso Tofi i taimi o le malologa ma a’u uo. Sa matou usuina pese, fai faatinoga i faapotopotoga, ma sa tele ni mea sa fiafia i ai.
I se tasi aso na amata ai ona ma aoaoina se pese fou. Ina ua ou faalogologo i ai, na ou faalogoina le ta’u fua o le suafa o le Tama Faalelagi. Sa ou faanoanoa.
Ina ua tuua le aoga sa ou ta’u atu lena mea i lo’u tina. Na ou fai atu ia te ia o le pese o loo ta’u ai fua le suafa o le Tama Faalelagi. Fai mai a ia, e mafai ona ou fesili i faiaoga pe mafai ona ou usuina ni upu e ese mai ai. Sa ou iloaina o le mea lena e tatau ona ou faia, ae sa ou popole tele.
I se tasi Aso Tofi sa tonu ai i lo’u mafaufau e taumafai. Sa ou tau atu i lo’u faiaoga ou lagona ma le taua ia te au o le suafa o le Atua. Na ou fesili atu ia te ia pe mafai ona ou usuina ni upu e ese mai ai. Na fai mai ia faiaoga ia te a’u e mafai ona ou faia ni upu e ese mai ai. Sa sili atu ona lelei o’u lagona, ma sa ou iloa na fesoasoani le Tama Faalelagi ia te a’u.
I ni nai vaiaso mulimuli ane, sa fai mai o’u faiaoga o le a ese upu o le a usuina e le aufaipese atoa i le vaega lena o le pese. I le faatasiga sa ou tu maualuga ai a o ou usuina le pese. Sa ou fiafia na mafai ona ou fesoasoani i a’u uo ma la’u aufaipese ia aua nei ta’u fuaina le suafa o le Tama Faalelagi.
Ata na tusia e Colleen Madden