Taimi Fiafia i Tusitusiga Paia mo le Fanau Laiti

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

Mo le Mataupu Faavae ma Feagaiga 20–22: Fesoasoani i lau fanau laiti ia fai mai, “Ou te auai i le Ekalesia a Iesu Keriso.” Aoao i latou e fai foliga o se fale o le Ekalesia i o latou lima, pe fesoasoani ia i latou e tusi se ata o i latou lava o loo agai atu i le lotu.

Mo le Mataupu Faavae ma Feagaiga 23–26 Fesoasoani i lau fanau laiti ia fai mai, “E faafiafiaina au e musika.” Ona filifili lea o se pese mai le Tusipese a Tamaiti e usu faatasi. Fesoasoani i lau fanau e aoao nisi o upu.

Mo le Mataupu Faavae ma Feagaiga 27–28: Saili se mea e mafai e lau fanau ona fai ai se pulou-tau faafoliga ma se mea e mafai ona latou uuina e pei o se talita. Ia savavali solo ma fesoasoani i lau fanau laiti ia fai mai, “O le ofutau o le Atua e fesoasoani e puipuia saogalemu au.”

Mo le Mataupu Faavae ma Feagaiga 29: Fesoasoani i lau fanau laiti ia fai mai, “O loo soifua Iesu!” Faaali atu ia i latou se ata o le Keriso toetu. Ona faaali atu lea ia i latou ata o tagata o le aiga ua maliliu. Talanoa e uiga ona o Iesu na toetu, o le a toetutu foi tagata uma.

Ata na tusia e Alessia Girasole