Fesoasoani e Pei o Iesu

Sa Faamafanafana e Iesu Isi

O Iesu o se uo lelei a Maria, Mareta, ma lo la tuagane, o Lasalo. Sa ma’i Lasalo ma maliu ai. Sa faanoanoa tele Maria ma Mareta.

Ina ua mavae aso e fa, sa afio atu Iesu i le fale o Maria ma Mareta. Sa ia faamafanafanaina i la’ua ma ta’u atu o le a toe ola lo la tuagane. Ona Ia faatuina lea o Lasalo mai le oti. Sa faatumulia i la’ua i le olioli.

E mafai ona e faitauina lenei tala i le Ioane 11:1–3, 17, 20–25, 32–45.

E Mafai ona Ou Faamafanafana i Isi

• Vaavaai mo se avanoa e fesoasoani ai i se tasi o gasegase pe faanoanoa.

• Fai se tatalo ma fai se fuafuaga e faamafanafana ai ia i latou.

• Fai lau fuafuaga!

• ‘Oti ese le kata lenei e faamanatu ai ia te oe ia faaauau pea ona fesoasoani e pei o Iesu.

O faapefea ona e taumafai e fesoasoani i isi, e pei ona sa faia e Iesu? Tusi mai ma ta’u mai ia i matou!

Sa i ai se tamaitiiti fou i le aoga e le talanoa i ai se isi. O lea sa ou avea ai ma ana uo! E finagalo Iesu e fesoasoani mai ia i tatou. Ou te fia mulimuli ia Iesu.

Wesley O., 8 tausaga, Texas, ISA

Ata na tusia e David Malan