Uo Pele,
O le Aso Sa Laupama o lenei tausaga e pa’ū i le Aso Sa mulimuli o Mati. O le taimi lena tatou te faamanatu ai le aso na tietie atu ai Iesu i Ierusalema i luga o se asini. Sa talotalo atu tagata i laupama ma alalaga, “Osana!” I ni nai aso mulimuli ane, sa puapuagatia ma maliu Iesu mo i tatou. Ona toetu ai lea o Ia! Matou te faamoemoe o le a outou olioli i lenei taimi faapitoa ina ia manatua ai le mea ua faia e le Tama Faalelagi ma Iesu mo i tatou (tagai i le Ioane 3:16). Ona o i Laua, ua mafai ai ona tatou toe ola uma!
Ma le alofa,
O Le Uo
P.S. E fia ni itulau e uiga ia Iesu e mafai ona e mauaina i lenei lomiga?
Fau Lau Oe Lava
Sa ou aoaoina le ala na faia ai e Nifae se vaa (Fepuari 2020), o lea sa ou manao ai e fausia se tasi e a’u lava ia ina ia ou malamalama ai i lagona o Nifae. I le taimi muamua sa faigata, ae sa ou aoao e aua le fiu ma faalagolago i le Alii e pei ona sa faia e Nifae.
Ian D., 9 tausaga, Veracruz, Mekisiko
O Nofoaga o Loo Tatou Faitauina Ai le Uo
Matou te fiafia e faitau i le Uo! E fesoasoani ia i matou e faaitiitia ai lagona tuua toatasi ona na o i matou lava o tagata o le Ekalesia i lo matou aai. Ma te faitauina i le faaSiamani ma le faaTake ona o lo ma tina e mai Netalani ae o lo ma tama e mai Siamani.
Lars ma Torben S., 5 ma le 3 tausaga, Lower Saxony, Siamani
Matou te Fiafia e Vaavaai i le Malumalu
Matou te nonofo latalata i le Malumalu o Barranquilla Kolomupia ma e tai lua vaiaso ma asiasi i ai. E fesoasoani ia i matou e manatua ai feagaiga o le a matou osia ma le Tama Faalelagi.
Peraimeri a le Paranesi a Puerto Kolomupia, Kolomupia