Mo Tamaiti Matutua

Tulimanu o Talafaasolopito o Aiga

Faatalatalanoa se matua o matua po o se isi tagata o le aiga! Tusi muamua se lisi o fesili. Ona talanoa lea i le tagata o lou aiga pe vili i le telefoni ma fai atu au fesili. E mafai ona e faaaogaina se polokalama pue leo e sefe ai lau talanoaga.

O Se Tatalo mo se Fesoasoani

Sa fai lava si ou ita i ou matua mo le le faatagaina o au e fai se mea sa ou manao ai. Sa ou alu atu i lo’u potu ma fai se tatalo, ma ole atu i le Tama Faalelagi e fesoasoani ia te a’u ia faaitiitia lo’u ita. Ou te iloa afai e te tatalo i le Tama Faalelagi i le faatuatua, o le a Ia tali mai au tatalo.

Sara S., 10 tausaga, Iuta, ISA

Motugaafa mo Sauniuniga mo le Malumalu: Manatua Lou Papatisoga

I totonu o le malumalu, tatou te faia papatisoga mo i latou o e ua maliliu e aunoa ma le avanoa e papatiso ai ao soifua i latou. O le manatuaina o lou lava papatisoga e mafai ona fesoasoani ia te oe e malamalama ai i le fiafia o tagata o loo tatou sui papatiso ai i le malumalu! Tusi i lalo mea e te manatua e uiga i lou papatisoga.

Ata na tusia e Jimmy Holder