Sau, Mulimuli Mai ia te A’u

Taimi Fiafia i Tusitusiga Paia

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

Ekalesia a Iesu Keriso

Usu le pese “O Le Ekalesia a Iesu Keriso” (Tusipese a Tamaiti, 48).
O le aso 6 Aperila, 1830, sa toe faatuina le Ekalesia a Iesu Keriso i luga o le fogaeleele. E mafai ona e faitau i le tala i le itulau 42–44.
Saili se mea e mafai ona e fausia ai se mea, e pei o poloka, fasilaau, po o isi mea faitino. Ona fai lea o se tuuga e fau ai sina fale laitiiti o le Ekalesia mai na mea.

Usu le pese “Sii Lou Leo Ma Pese” (Tusipese a Tamaiti, 124).
Na valaauina e le Atua ia Ema Samita e tuufaatasi se tusi o pese mo le Ekalesia. Sa ia fetalai mai “o le pese a le amiotonu o se tatalo” (Mataupu Faavae ma feagaiga 25:12).
Fai se tauvaga pese a le aiga! E hamuina e se tagata se toatasi se pese a le Ekalesia. O isi uma tagata e mateina po o le a le pese. A sa’o le mate a se tagata, ona usu faatasi lea e tagata uma le pese! Ona filifili feauauai o le pese e sosoo.

Usu le pese “Tu Mo Le Mea Tonu” (Tusipese a Tamaiti, 81).
Na aoao mai Iesu Keriso e tatau ona tatou ofuina le ofutau atoatoa o le Atua. Pe a tatou ola ai i le talalelei, e mafai ona tatou saogalemu ma malupuipuia!
Faaaoga aitema mai totonu o lou fale e fai ai ni ofutau faafoliga. Ona faitau lea o le Mataupu Faavae ma Feagaiga 27:15–18. Talanoa e uiga i vaega taitasi o le ofutau.

Usu le pese “Pe A Ia Toe Afio Mai” (Tusipse a Tamaiti, 46–47).
Ua aoao mai tusitusiga paia e uiga i le fuafuaga a le Tama Faalelagi mo i tatou. O lena fuafuaga e aofia ai le toetutu. O lona uiga o le a tatou toe feola pe a mavae le oti. (Tagai i le Mataupu Faavae ma Feagaiga 29:13, 26.)
Faitau e savali na saunia e Peresitene Eyring i le itulau e 2. I le vaiaso a o lumanai le Aso Sa o le Eseta, faitau se tasi o mau mo aso taitasi ma lou aiga.