Uo i le Uo
Faalagolago i le Perofeta
Mai se faatalatalanoaga ma Haley Yancey.
A o ou laitiiti, sa ou i ai i le uarota lava lea e tasi ma Peresitene Nelson. Sa avea o ia ma o’u peresitene o le siteki. O se uarota toatele, o lea ou te manatu ai na te lei iloa lelei a’u.
Ae sa i ai so’u aafiaga faapitoa ma ia ina ua avea a’u ma se tiakono. Sa ou manao e matuai migao lava ao ou tufaina le faamanatuga. Sa ou lagonaina e taua. O lea sa ou taumafai ai e faaali atu le faaaloalo mo le faamanatuga i Aso Sa taitasi.
Sa ou savali i le fale mai le lotu i se tasi Aso Sa ae tu mai se taavale i ou tafatafa. Na vili i lalo e le ave taavale le faamalama. O Peresitene Nelson! Sa ia faapea mai, “sa ou matauina sa e faaaloalo tele ao e tufaina le faamanatuga. Faafetai mo le faia o lena mea.”
Atonu na te le o manatuaina le faia o lena tala. Ae o le a le galo lava ia te a’u. Sa ia faaaluina se taimi e tau mai ai ia te a’u lona manatu sa ou faia se mea lelei. E taua tele ia te a’u.
Ou te iloa o Peresitene Nelson o se perofeta a le Atua. Ou te iloa sa soifua o ia i se olaga maoae lea na saunia ai o ia i lona tulaga lea ua i ai nei. Ou te iloa na te mauaina faaaliga e taitai ai le Ekalesia. Afai tatou te mulimuli ia te ia, o le a faamanuiaina i tatou.
O Upu a lo Tatou Perofeta
‘Oti ese ia upusii taitasi nei mai ia Peresitene Nelson. E mafai ona e tusia i lalo au lava upusii e te faalogo i ai! Fai se pu laitiiti i le pito i luga o upusii taitasi ma nonoa i ai se manoa. Faapipii le manoa i se tautauofu po o se fasilaau.
“Ao e filifili e ola i le itu a le Alii, e le tuua lava na o oe.”1
“O aso taitasi o se aso o filifiliga, ma o a tatou filifiliga e fuafua ai lo tatou taunuuga.”2
“O le Tusi a Mamona o se meaalofa mai le Atua i tagata uma.”3
“A tatou mulimuli ia Iesu Keriso, tatou te galulue e pei ona Ia galue ma alolofa atu e pei ona Ia alofa mai.”4
Tatalo ia i ai mata e vaaia ai le aao o le Atua i lou olaga ma i le lalolagi o siomia oe.”5
Ata na tusia e Steve James
Ata na tusia e Adam Koford