Тэргүүн Зөвлөлөөс

Тэр амилсан!

Ерөнхийлөгч Хэнри Б.Айринг

Тэргүүн Зөвлөлийн хоёрдугаар зөвлөх

“Тэр амилсан!” Лиахона, 2013 оны 4-р сар, 4–5-аас авсан.

Jesus riding a donkey into Jerusalem

Есүс Христийн амилалт бидэнд найдвар төрүүлдэг. 1969 оны зун ээжийг минь нас барахад энэ нь надад найдвар төрүүлсэн. Ээжээсээ түр зуур салахад ч надад гунигтай байсан.

Гэхдээ Ариун Сүнс надад амилалт бодитой гэж хэлэх үед би аз жаргалыг мэдэрсэн. Хэзээ нэгэн цагт ээжтэйгээ болон бусад хайртай хүнтэйгээ уулзахад ямар мэдрэмж төрөхийг би төсөөлж байна.

Есүс Христ амилсан. Түүгээр дамжуулж энэ дэлхийд төрсөн Тэнгэрлэг Эцэгийн бүх хүүхэд хэзээ ч үхэшгүй бие махбодтойгоор амилах болно.

Амилалт: Есүсийг үхсэний дараа сүнс нь Түүний биед эргэн орсон. Нас барсан хэн боловч Есүсийн ачаар өөр нэгэн өдөр амилуулагдах болно.

“Есүс бол амилсан Христ, бидний Аврагч, бидэнд төгс үлгэр жишээ үзүүлэгч бөгөөд мөнх амьдрал өөд удирдах хөтөч гэдгийг би гэрчилж байна.”

Ерөнхийлөгч Хэнри Б.Айринг

Христийн амилсны баярын тухай түүх

Зургийг хайчилж аван, цаасан дээр наа. Нүхлээд хооронд нь үдээрэй. Одоо чи Христийн амилсны баярын тухай номтой боллоо.

1. Jesus riding a donkey into Jerusalem

   Есүс Христ Иерусалим хотод илжиг унан иржээ. Хүмүүс түүнийг магтан дуулж, газарт далдуу модны навч дэвсэн угтав (Марк 11:1–11-ийг үзнэ үү.)

2. Jesus blessing a man

   Есүс ариун сүмд зочилсон. Тэр хазгар доголон, хараагүй хүмүүсийг эдгээв. (Maтай 21:12–14-ийг үзнэ үү.)

3. bag of coins

   Атаархуу ахлах тахилч нар Есүс Христийн дагалдагч Искаротын Иудаст 30 мөнгөн зоос өгч, Түүнийг баривчилж, тэдэнд тушаахыг шаардсан. (Матай 26:14–16-г үзнэ үү.)

4. Jesus holding bread

   Есүс шавь нартайгаа Дээгүүр өнгөрөх баярын зоог барьсан. Есүс тэдэнд Өөрийг нь дурсан санахад туслахын тулд ариун ёслолыг өгчээ. (Maтай 26:19–20, 26–28-ыг үзнэ үү.)

5. Jesus praying

   Есүс Тэнгэрлэг Эцэгт хандан залбирахаар Гетсеманийн цэцэрлэг рүү явав. Тэнд тэр бидний гэм нүглийн төлөө зовж шаналж эхэлсэн. Илд зэвсэгтэй хүмүүс ирж, Түүнийг баривчилжээ. (Матай 26:36–50-ийг үзнэ үү.)

6. tomb with stone

   Тэр зовж, загалмай дээр амиа өгсөн юм. Тэд Түүнийг хадан булшинд тавьж, хаалган дээр нь том чулуу байрлуулав. (Maтай 27:27–35, 57–60-ыг үзнэ үү.)

7. Resurrected Jesus in front of tomb

   Тэнгэр элч нар чулууг өнхрүүлсэн. Тэр Магдалын Мариад болон бусад эмэгтэйд Есүсийг амилсан гэж хэлэв. Есүс эмэгтэйчүүдэд харагдсан бөгөөд тэд түүнд мөргөжээ. (Матай 28:1–10-ыг үзнэ үү.)

8. Resurrect Jesus in white robe

   Есүс шавь нартаа харагдав. Тэд Түүний амилсан биед хүрсэн. Тэр Өөрийнхөө сургаалыг бүх хүнд заа хэмээн тэдэнд хэлсэн. Есүс Христ амилсан учраас бид ч бас амилах болно. (Лук 24:36–43; Maтай 28:16–20-ийг үзнэ үү.)

Сургаал ба Гэрээ 29-д болон Христийн амилсны баярт зориулав: Ирээд, Намайг дага-ыг үзнэ үү.

Friend Magazine, 2021/03-04 Mar/Apr

Зургийг Стэлиана Донива