Ko ha Fakaʻamu kia Tieta

Fai ʻe Charlotte Larcabal

ʻŪ Makasini ʻa e Siasí

(Makatuʻunga ʻi ha talanoa moʻoni)

Toʻo mei he lea ʻa ʻEletā Tieta F. ʻUkitofa, “Ui ki he Kau Moʻungaʻi Tangatá!” (BYU-Pathway Worldwide devotional, Jul. 14, 2020, byupathway.org/devotionals).

ʻI he kei tamasiʻi ʻa ʻEletā Tieta F. ʻUkitofá, naʻá ne manako he sio vakapuná. Naʻá ne fakakaukau ke puna he taha ʻo e ngaahi vakapuna lalahi ko iá.

ʻOku ou fie hoko ko ha pailate ʻi ha ʻaho.

Ka naʻe ʻikai ha paʻanga lahi ʻa e fāmili ʻo Tietaá. Naʻa nau kumi hūfanga pea naʻe pau ke nau mavahe tuʻo ua mei honau ʻapí ke ō ki ha fonua foʻou.

young Dieter delivering packages and watching planes in sky

Lolotonga e vaʻinga ʻa e fānau kehé, naʻe ngāue ʻa Tieta ko ha tamasiʻi tufa ke tokoni ki hono fāmilí.

Taimi ʻe niʻihi naʻá ne ongoʻi hangē ʻoku ngali taʻemalava ʻene fakaʻamú!

Ka ʻi heʻene tupu haké, naʻe ngāue mālohi ʻaupito ʻa Tieta ke aʻusia ʻene ngaahi fakaʻamú. Naʻá ne tui ʻe tokoniʻi ia ʻe he Tamai Hēvaní.

Naʻá ne kau ki he laulāpuna fakakautaú pea akoʻi ia ke ne hoko ko e pailate lelei taha te ne lavá.

Faifai pea aʻu ki heʻene misí. Naʻá ne puna ha ngaahi vakapuna lalahi ʻi ha ngaahi taʻu lahi!

Mahalo pē ʻokú ke fifili pe ʻe malava nai hoʻo ngaahi fakaʻamú.

Mahalo he ʻikai faingofua, ka te ke lava ʻo fai ia.

Mahalo te ke fehangahangai mo ha ngaahi faingataʻa, ka te nau lava ʻo ngaohi koe ke ke mālohi ange. ʻOku ʻiate koe ʻa e ʻOtuá ʻi he foʻi laka kotoa pē ʻo e fonongá!

“Ngāue mālohi. Maʻu ha tui. Maʻu ʻa e ʻamanaki lelei. Falala ki he ʻOtuá. Kapau te ke fakahoko hoʻo kongá, ʻe lelei e meʻa kotoa.”