Tohi ʻe Koe

Haʻu ʻo Muimui ʻIate Au lolotonga e COVID

Sarah F., taʻu 10, Pas-de-Calais, France

Lolotonga e kolonitini COVID-19, ne u ako ʻi ʻapi mo e tangataʻeikí. Ne fai maʻu pē ʻeku ngāue fakaako mei ʻapí, ka naʻa mau toe ako foki ki he tohi lēsoni Palaimeli ʻo e Haʻu, ʻo Muimui ʻIate Aú . Ko e niʻihi ʻeni ʻo e ngaahi meʻa mahuʻinga ne u fakahokó.

Naʻá ku ʻai ha kalauni ʻoku ou tui ʻi ʻapi ʻi he taimi ʻoku ou tokoni ai ki heʻeku ongomātuʻá. ʻOku ou fie ngāue hangē ko e Tuʻi ko Penisimaní.
Naʻá ku valivali ha pine naʻe fakafōtunga ʻaki e mafú. ʻOkú ne fakamanatu mai ko e taimi naʻe papitaiso ai aú, naʻá ku toʻo kiate au ʻa e huafa ʻo Kalaisí.
Naʻá ku tā ha fakatātā ʻo Siosefa Sāmita ʻo valivali. ʻOkú ne fakamanatu mai kiate au ko Siosefa Sāmitá ko ha palōfita ia ʻa e ʻOtuá.
Naʻá ku fai ha ʻekitivitī kosi–pepa fekauʻaki mo e palōfita ko ʻApinetaí ʻi he Tohi ʻa Molomoná. Naʻá ku fakakaukau ki he founga kuo pau ke u taukaveʻi ai ʻa e moʻoní.
Naʻá ku valivali ha fakatātā ʻo hono papitaiso ʻo Sīsū Kalaisí. ʻOkú ne fakamanatu mai kiate au ko e taimi ne u papitaiso aí, ne u fai ha fuakava mo ʻeku Tamai Hēvaní.

Koeʻuhí naʻá ku ako ʻa e Haʻu ʻo Muimui ʻIate Aú, ʻoku ou tui naʻe tokoniʻi au ʻe he Tamai Hēvaní ʻi he akó. ʻI he kamataʻangá naʻe lahi ʻeku ngaahi fehālaakí ʻi heʻeku ngāue fakaako mei ʻapí. Hili ko iá ne kole mai ʻeku tamaí ke u kamata ʻaki haʻaku fai ha lotu. Hili ʻeku lotú, naʻe mahino lelei ange kiate au. Naʻe ʻikai fuoloa kuó u fai ha ngaahi fehālaaki lahi. ʻI hono maʻu ko ia ʻe heʻeku kau faiakó ʻeku ngāue fakaako mei ʻapí, naʻa nau faʻa pehē mai, “Fakamālō atu Sela! Hokohoko atu pē hoʻo ʻi hoʻo meʻa ʻoku faí!”

Ne u ikunaʻi kakato hoku ngaahi taʻu fakaakó. Pea naʻe lelei e ako ʻi ʻapí he naʻa mau kamata ʻaki maʻu pē ha lotu, ʻo hangē ko ia ʻoku mau fai ʻi he taimi ʻoku mau ako ai ʻa e Haʻu, ʻo Muimui ʻIate Aú.