Nima Fietokoni ‘i he funga ʻo e Māmaní

Fe‘iloaki mo ‘Eta mei Ha‘amoa ‘Amelika

Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fai ‘e Sīsuú.

Fekauʻaki kotoa mo ʻEta

Various Illustrations of Eta with her family - Jesus Christ - House - Purple Pencils - Fries - Math Equation

Taʻu motuʻá: 9

Mei: Ha‘amoa ʻAmelika

Ngaahi lea fakafonuá: Faka-Pilitānia mo e ako e lea faka-Haʻamoá

Fāmilí: Faʻē, Tamai, tuongaʻane ʻe toko ua, mo e tokoua ʻe taha

Ngaahi taumu‘á mo e fakaʻamú: 1) ʻAlu ʻo ngāue fakafaifekau. 2) Mali ʻi he temipalé. 3) ʻOsi mei he kolisí. 4) Tokangaʻi e fale taʻo meʻa ʻene faʻee.

Nima Fietokoni ʻa ʻEtá

ʻOku ʻi ai ha fale taʻo meʻa ʻa e faʻē ʻa ʻEtá ʻi honau motú. ʻOku saiʻia ʻa ʻEta mo hono taʻoketé ke vahevahe mo ʻena kau faiakó mo e kau takí mo kinautolu ʻoku faingataʻaʻiá. Taimi ʻe niʻihi ʻokú na lele holo mo ʻena faʻeé ʻo tufa ha fanga kiʻi kūkisi mo e fanga kiʻi fakaneifua kehe ki he kakai ʻoku nau sio ki ai he halá. ʻOkú ne ʻai e kakaí ke nau fiefia, pea ʻokú ne ʻai ʻa ʻEta mo Talai ke na fiefia he vahevahé. ʻOkú na maʻu ha fiefia lahi ange ʻi he vahevahe ʻo e meʻatokoni mei he fale taʻo meʻá ʻi heʻena kai pē ia ʻe kinauá! ʻOkú na fakatou ako ke taʻo meʻa ko ha taha ʻo e ngaahi taumuʻa ʻo e Fānaú mo e Toʻu Tupú ki he taʻu ní, ko ia ʻokú na maʻu maʻu pē ha ngaahi fakaneifua ke vahevahe.

ʻOku pehē ʻe ʻEta, “ʻOku ou saiʻia hono vahevahe mo e niʻihi kehé he ʻokú ne ʻai ke nau fiefia, pea ʻoku ou fiefia ai. ʻOku ou ʻilo ko e meʻa ia ʻoku finangalo e Tamai Hēvaní ke tau fakahokó.”

Ngaahi meʻa ʻoku manako ai ʻa Etá

Feitu‘ú: Ko e ngaahi foʻi loto he mamaha ʻa e tahí ʻi hono motú, ʻa ia ʻokú ne manako ke kakau aí

Talanoa fekau‘aki mo Sīsuú: ʻI Heʻene toetuʻú

Hiva Palaimelí: “Lea ʻaki Heni e ʻOfá,” (Tohi Hiva ʻa e Fānaú, 102–03).

Me‘akaí: Pateta Fakapaku

Lanú: Vāleti

Lēsoni he akó: Fika