Maluʻi Koe
ʻOku totonu ke mou angaʻofa mo fakaʻapaʻapa ki he fānau kotoa ʻa e Tamai Hēvaní. ʻOku totonu foki ke ke ʻamanaki ʻe fakahoko pehē kiate koe ʻe ha niʻihi kehe. Kapau ʻe feinga ha taha ke fakalaveaʻi koe ʻaki ha lea pe tōʻonga, ʻoku ʻikai sai ia!
Kapau ʻokú ke ongoʻi ʻoku ʻikai ke ke malu …
-
Talaange ʻikai. ʻOku ʻikai fie maʻu ke ke fai ha meʻa ʻoku ongo hala pe ʻai koe ke ke ongoʻi taʻe-fiemālie. ʻOku sai pē ke talaange ʻikai.
-
Fakafanongo ki hoʻo ngaahi ongó. ʻOku ʻomi ʻe he Laumālie Māʻoniʻoní ha ngaahi fakatokanga leʻo siʻi ke tokoni ke tau malu. Kapau ʻokú ke ongoʻi ʻoku ʻi ai ha meʻa ʻoku fehalaaki, ʻoua te ke kau ki ai, pea feinga ke mavahe mei ai kapau te ke lava.
-
ʻOua ʻe tauhi ha ngaahi fakapulipuli fakamamahi. ʻOku ʻi ai ha faikehekehe ʻi he fakaʻohovale fakafiefiá mo ha fakapulipuli fakamamahi. ʻOku ʻikai totonu ke ke tauhi ha fakapulipuli ʻoku fakamamahi, neongo kapau naʻá ke palōmesi.
-
Fakahā ki ha tokotaha lahi ʻokú ke falala ki ai. Kapau ʻoku hoko ha meʻa ʻoku kovi pe ongoʻi manavasiʻi, tala ki ha taha ʻe lava ʻo tokoni atu he taimi pē ko iá, ʻo hangē ko ha mātuʻa, faiako, pe taki faka-Siasi.
Ko hai te ke lava ʻo talanoa ki ai ʻi he taimi ʻoku ʻi ai haʻo palopalema? Hiki heni ha lisi ʻo ha kakai falalaʻanga:
Tā fakatātaaʻi ʻe Jennifer Bricking