Kaungāmeʻa ki he Kaungāmeʻa
Fakahaofi ʻi he Vaitafe Maká
Mei ha ‘initaviu mo Heili Ianisī.
ʻI hoku taʻu onó, naʻe folau ai hoku fāmilí ki ha vaitafe. Naʻe fuʻu momoko ʻaupito ʻa e vaí koeʻuhí he naʻe haʻu ia mei he ʻotu moʻunga ʻi Sileí (Chile). Hili haʻaku kiʻi vaʻinga ʻi he vaitafé ʻi ha kiʻi vahaʻa taimi nounou, naʻá ku fie fakamāfana.
Naʻe ulo e laʻaá ʻi ha ngaahi foʻi maka ofi mai pē. Ko ia ne falala hoku tuʻá ki ha foʻi maka ʻe taha mo hoku vaʻé ki he taha ke fakalaʻalaʻā.
Naʻe tupu ʻi he maká ha limu hekeheke ʻo ne ʻai au ke u heheke māmālie hifo. Naʻe hoko māmālie ʻeni ʻo ʻikai ke u fakatokangaʻi ʻeku heke hifó.
Ka naʻe faifai pē ʻo u fihia! Naʻe faʻaki hoku tuí ki hoku fatafatá. Naʻe ʻikai ke u lava ʻo mānava. Naʻe ʻikai ke u lava ʻo ngaue. Pea naʻá ku kei heheke pē! Naʻe teke mālohi ange hoku tuí ki hoku fatafatá ʻi he sēkoni kotoa pē. Naʻá ku sio pē ki he langí, pea naʻe mōlia atu ʻa e māmá kotoa.
Pea ne u mamata ki he fofonga ʻo hoku tokouá. Naʻá ne puke hoku nimá peá ne fusi hake au. Naʻe ʻikai ke u toe fihia! Naʻe lava ke u mānava mo toe mamata ki he māmá.
Ko Sīsū Kalaisi hotau Fakamoʻuí mo hotau Tokoua Lahí. ʻOkú Ne ʻafioʻi maʻu pē ʻa e feituʻu ʻoku tau ʻi aí. Te Ne toʻo atu kitautolu mei he fakatuʻutāmakí. ʻOkú Ne ʻi ai maʻu pē ke tokoni mai.
Tā fakatātaaʻi ʻe Kelly Kennedy