Ko e ngāue ‘oku saiʻia taha ai ʻa Tomosí
Naʻe hoko ʻa e talanoa ko ʻení ʻi Siapani.
ʻOku pehē ʻe Mami, “Kuo taimi ke ō ʻo fuʻifuʻi e ngaahi matalaʻi ʻakaú.”
ʻOku pehē ʻe Tomosi, “ʻIo!” ʻOkú ne tuku hifo ʻene ʻū meʻavaʻingá. Kuo taimi ki heʻene ngāue ʻoku saiʻia taha aí. ʻOkú ne tokoni tuʻo ua he uike kia Mami ʻi hono fuʻifuʻi e matalaʻiʻakau ʻi he fale ʻo e Siasí.
ʻOku ʻilo ʻe Tomosi ʻa hono tatā pasikalá. ʻOku tokoniʻi ia ʻe heʻene faʻeé ke nonoʻo hono suú. Kuo ne mateuteu ʻeni ke ʻalu!
ʻOku saiʻia ʻa Tomosi he heka pasikala mo e fineʻeikí. ʻOku ʻi ai foki hono nofoʻanga makehe. ʻOkú ne lava ʻo mamata ki ha ngaahi meʻa fakafiefia lahi ʻi heʻena fakalaka atú.
“Sio!” Na‘e pehē ʻe Tomosi. ʻOkú ne tuhu ki ha pepe ʻuliʻuli fakaʻofoʻofa.
ʻOku pehē atu ʻe Mami, “ʻOku fekumi ki ha ngāhi matalaʻi ʻakau.” “Ko e taha ia ʻo e ngaahi fakatupu fakaʻofoʻofa ʻa e ʻOtuá.”
“Sio!” Na‘e pehē ʻe Tomosi. ʻOkú ne tuhu ki ha ngaahi matalaʻiʻakau fakaʻofoʻofa ʻoku tupu ʻi he veʻe halá.
ʻOku taʻofi ʻe he fineʻeikí ʻa e pasikalá. ʻOkú ne toʻo hake ha matalaʻi ʻakau kuo tō. ʻOku pehē ʻe Mami, “Ko ʻeni.”
ʻOku ala atu ʻa Tomosi ki he lau moluú. ʻOkú ne puke fakalelei ia ʻi hono nimá.
Kuo toe heka ʻeni e Mami ki he pasikalá. Te ta aʻu fakakū ki he ngaahi matala‘i ʻakaú te ta fu‘ifuʻi?
“ʻOkú ta mei aʻu ki ai,” ko e fakamatala ia ʻene faʻeé.
‘Oku taʻalo ‘a Tomosi ki ha tangata fofonga malimali ʻi he ʻena paasi haké. ʻOku taʻalo ki ha taʻahine ʻokú ne puke ʻa e nima ʻo ʻene kui fefiné.
Pea na‘á ne taʻalo ki he fale Lotú ʻi he ʻena afe hake ‘i muʻá. Naʻá na lavaʻi ia!
Naʻe vete e Mami ʻa e tātā ʻo Tomosí. ʻOkú ne ʻoange ki a Tomosi hono tātā engeengá. ʻOkú ne ʻai ia ke tokoni ʻi hono taʻofi e laʻaá.
Pea ʻoku tokoni leva ʻa Tomosi ke pukepuke ʻa e kapa fuʻifuʻi lanu mata fakaʻofoʻofá. ʻOku fakafonu ʻaki ia ʻe Mami ʻa e vaí
“Ko e taimi leva ʻeni ke fuʻifuʻi ai ʻa e ngaahi matalaʻiʻakaú. Naʻe fuʻifuʻi ʻe Tomosi e ngaahi matalaʻiʻakau lanu engeengá mo e matalaʻiʻakau lanu puluú mo e matalaʻiʻakau lanu pingikií. ʻOkú ne fakapapauʻi ʻoku maʻu ʻe he fuʻu ʻakau kotoa pē ha inu.
“‘Osi kotoa!” ʻOku pehē ʻe Tomosi.
ʻOku pehē atu ʻe Mami, “ʻOku ou fakamālō atu.” ʻOkú ke tokoni ʻi he ngāue maʻá e Tamai Hēvaní. ʻOkú ke tokoni ki Hono siasí ke hā fakaʻofoʻofa.”
ʻOku malimali lahi ʻa Tomosi. ʻOkú ne fiefia ʻi he lava ke ne tokoní.
Tā fakatātaaʻi ʻe Fumi kosaka