Hili e toetuʻu ʻa Sīsuú, naʻá Ne mamata ki he taumātaʻu ʻEne kau ākongá ʻi ha vaka. Naʻe ʻikai ke maʻu haʻanau ika. Naʻe tala ange ʻe Sīsū kiate kinautolu ke lī ʻenau kupengá ki he tafaʻaki ʻe taha ʻo e vaká. Ne nau maʻu ha ika lahi pea fuʻu mamafa ʻenau kupengá! Hili iá naʻe kau fakataha e kau ākongá mo Sīsū ʻi he matātahí. Naʻa nau tangutu fakataha mo Ia ʻi ha veʻe afi. Naʻe vahevahe ʻe Sīsū ʻa e maá mo e iká mo kinautolu. Naʻá Ne fehuʻi ange kia Pita, “ʻOkú ke ʻofa ʻiate au?” Peá Ne folofola ange, “Fafanga ʻeku fanga sipí.” ʻA ia ko hono ʻuhingá naʻá Ne fie maʻu ke vahevahe ʻe Pita ʻa e ongoongoleleí mo e niʻihi kehé. Te tau lava ʻo fakahaaʻi ʻetau ʻofa kia Sīsuú ʻaki ʻetau vahevahe mo e niʻihi kehé, hangē ko ia naʻá Ne fakahokó.
ʻĪmisi
A photo of Grayson Copa
Naʻá ku tokoni ʻi hono ngaohi ha pisikete maʻa homau kaungāʻapi foʻoú. Naʻe lea faka-ʻAlepea pē ʻa e fefiné, ka naʻá ne fakaafeʻi kimautolu ki loto. Naʻe pau ke mau feohi pea mo maheni neongo ne ʻikai tatau ʻemau lea fakafonuá. Naʻá ne angalelei, pea ne u ongoʻi fiefia loto ai.
Grayson C., age 5, Abu Dhabi, United Arab Emirates