Va‘inga ‘o e Palani ‘o e Fakamo‘uí
Fakahoko e kiʻi vaʻinga ko ʻení ke ako ai ki he palani ʻa e Tamai Hēvaní. Fakaʻaongaʻi e pīní pe koiní ko ha meʻa ke fakahoko ʻaki e vaʻingá. ʻI he taimi takitaha, tekaʻi e taisí pe fili ha mataʻifika pea ʻunuakiʻi hoʻo kongá ʻaki e tuʻolahi ko iá. ʻI he fakalaka ʻa e tokotaha ʻuluakí ʻi ha foʻi fetuʻu, lau ʻa e foʻi pulá. ʻI he taimi hoko ʻe toe fakalaka ai ha taha ʻi he foʻi fetuʻu ko iá, fai ʻa e ʻekitivitií.
-
Mo‘ui kimu‘a ‘i he māmaní: Naʻa tau nofo mo ʻetau mātuʻa fakalangí. Naʻa tau fili ke muimui ʻia Sīsū Kalaisi pea omi ki he māmaní.
Hivaʻi ha foʻi hiva fekauʻaki mo hotau vā mo e Tamai Hēvaní.
-
Māmani: Naʻa tau haʻu ki he māmaní ke maʻu ha sino, ke tau ako pea mo tupulaki. Te tau lava ʻo fili ʻi he totonú mo e halá.
Lau ‘Alamā 34: 32.
-
Ko e Fakalelei ‘a Kalaisí: Naʻe hāʻele mai ʻa Sīsū Kalaisi ki māmani ʻo moʻui haohaoa. ʻOkú Ne ʻafioʻi hotau ngaahi mamahí. Naʻá Ne fakalelei maʻatautolu ke tau lava ʻo fakatomala.
Hivaʻi ʻa e “Naʻá Ne Fekau Hono ʻAló” (Tohi Hiva ʻa e Fānaú, 20–21).
-
Maama tatali‘anga ‘o e ngaahi laumālié: Hili ʻetau maté, ʻoku kei moʻui atu pē hotau laumālié. ʻE lava ke ako heni ʻa e kakai naʻe ʻikai ke nau ako ki he ongoongoleleí ʻi he māmaní.
Lau ‘a e ʻAlamā 40: 11.
-
Toetu‘ú: Koeʻuhí naʻe toe tuʻu ʻa Sīsū mei he maté, te tau toe moʻui kotoa pē! ʻE toe fakatahaʻi hotau sinó mo hotau laumālié.
Hivaʻi ʻa e “Naʻe Toetuʻu Nai ʻa Sīsū?” (Tohi Hiva ʻa e Fānaú, 45).
-
Pule‘anga fakasilesitialé: Koeʻuhí ko Sīsū Kalaisi, ʻe lava ke tau hoko ai ʻo hangē ko ʻetau Tamai Hēvaní mo nofo fakataha mo hotau ngaahi fāmilí ʻo taʻengata.
Lau ʻa e Tokāteline mo e Ngaahi Fuakava 76:70.