Ko Ha Kai Hoʻatā Makehe

Peila B., taʻu 8, Tekisisi, USA

Koeʻuhí ko e COVID-19, naʻá ku kamata ʻeku ako ʻi he kalasi tolú ʻi he ʻinitanetí. Hili ha māhina ʻe taha ʻo ʻeku ako ʻi he ʻinitanetí, naʻe lava ke u foki ki he akó. Naʻá ku fiefia ke toe feohi mo e toenga ʻo e fānaú! Ka naʻe faingataʻa ke maʻu haku ngaahi kaungāmeʻa. Naʻá ku nofo tokotaha pē he ngaahi taimi mālōlō ʻa e akó.

Naʻe talamai heʻeku faiakó ʻi ha ʻaho ʻe taha ʻe ʻi ai ha ongo tamaiki ako foʻou ʻi heʻemau kalasí. Naʻá ku fuʻu fiefia ʻaupito! ʻI he ʻaho naʻe aʻu mai ai ʻa e ongo tamaiki tangata foʻoú, naʻá ku tokoniʻi kinaua ke maau ʻena naunaú. Naʻá ku manatuʻi hoku ngaahi fuofua uike ʻi he akó pea mo e faingataʻa ke maʻu ha ngaahi kaungāmeʻá. Naʻá ku loto ke ʻai ke na ongoʻi makehe. Naʻá ku ʻiloʻi ko e meʻa ia ʻe fakahoko ʻe Sīsuú. Naʻá ku maʻu ha foʻi fakakakau: kuo ʻosi totongi ʻeku maʻu meʻatokoni hoʻatā mo haku kaumeʻa pea mo e faiakó. Te u lava ʻo kole ki he ongo tamaiki tangatá ke mau ʻalu.

ʻI he hoko ʻa e taimi kai hoʻataá, naʻá ku fakaafeʻi kinaua ke mau kai hoʻatā. Naʻá na talamai ʻokú na fiefia ke na ʻalu! Naʻa mau toʻo ʻemau meʻatokoni hoʻataá ʻo lue hifo he fonongaʻangá ki homau lokiakó. Ko e meʻa fakafiefia ke fakakau kinaua mo ʻai ke na ongoʻi ʻoku talitali lelei kinaua.