Haʻu, ʻo Muimui ʻIate Au
Taimi Fiefia ʻi he Folofolá
ʻOku fakatatau ʻa e ngaahi fakakaukau ko ʻení ki he Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí ʻi he uike kotoa pē.
Taimi ʻa e Temipalé
Maʻá e Tokāteline mo e Ngaahi Fuakava 94–97
-
Hiva e “ʻOku Ou Saiʻia he ʻAlu ki he Temipalé” (Tohi Hiva ʻa e Fānaú, 95).
-
Naʻe fakahā ʻe Sīsū ki he Kāingalotú ke nau langa ha temipale (vakai Tokāteline mo e Ngaahi Fuakava 95:8). Ko e temipalé ko ha ngaahi feituʻu mahuʻinga ia ʻe lava ke tau fakahoko ai ha ngaahi fuakava (ngaahi palōmesi) mo e Tamai Hēvaní pea silaʻi ai kitautolu ki hotau ngaahi fāmilí.
-
ʻAlu ki he temples.ChurchofJesusChrist.org ʻo sio he ngaahi tā ʻo e ngaahi temipale ʻi he funga ʻo e māmaní. Talanoa fekauʻaki mo e ʻuhinga ʻoku fuʻu toputapu mo makehe ai ʻa e ngaahi temipalé.
Ngaahi Fofonga Fiefia
Maʻá e Tokāteline mo e Ngaahi Fuakava 98–101
-
Hiva e “Lolotonga ʻEku Nofó” (Ngaahi Himi, fika 133).
-
Naʻe folofola ʻa Sīsū, “ʻOku kakato ʻa hoʻo fiefiá ʻiate au” (Tokāteline mo e Ngaahi Fuakavá 101:36). Ko e nekeneká ko ha fiefia tuʻuloa ia ʻokú ke ongoʻi ʻi ho lotó.
-
Tā ha fofonga fiefia mo ha fofonga mamahi ʻi he ongo tafaʻaki ʻo ha peleti pepa pe foʻi siakale ʻi ha pepa. Fakahingoa fakataha ha niʻihi ʻo e ngaahi meʻa ʻokú ne ʻai e kakaí ke nau fiefia pe loto-mamahi pea puke hake ʻa e fofonga fiefiá pe fofonga mamahí. Fakapapauʻi ke fakahingoa ha niʻihi ʻo e ngaahi meʻa fakafiefia fekauʻaki mo Sīsuú!
ʻOku Folofola ʻa Sīsū …
Maʻá e Tokāteline mo e Ngaahi Fuakava 102–105
-
Hiva e “Te u Loto-toʻa” (Tohi Hiva ʻa e Fānaú, 85).
-
Naʻe akoʻi ʻe Sīsū kapau te tau tauhi e ngaahi fekaú, ʻe tāpuekina kitautolu (vakai, Tokāteline mo e Ngaahi Fuakava 103:7).
-
ʻAi ha tokotaha ke ne lea ʻaki ʻa e “folofola ʻa Sīsuú” pea talaange ha meʻa naʻe kole mai ʻe Sīsū ke tau fakahoko. Fai leva ha ngāue ʻoku fekauʻaki mo e ngaahi leá. Hangē ko ʻení, kapau ʻoku pehē ʻe he tokotahá, “Naʻe folofola ʻa Sīsū ke ʻofa ki he tokotaha kotoa pē,” te ke lava ʻo ngaohi ha fakatātā ʻo ha foʻi mafu ʻaki ho nimá. Kapau ʻe pehē ʻe he tokotahá, “Naʻe folofola ʻa Sīsū ke lotu,” te ke lava ʻo kūnima. Taufetongi ʻi hono talanoaʻi e meʻa naʻe folofola ʻaki ʻe Sīsuú.
Valivali ʻo e Konifelenisí
Maʻá e Tokāteline mo e Ngaahi Fuakava 106–108
-
Vakai, “Fakamālō ki he ʻOtua,” (Ngaahi Himi, fika 10).
-
ʻOku ui ʻe Sīsū ʻa e kau palōfitá, kau ʻaposetoló, mo e niʻihi kehé ke nau tataki ʻa e Siasí (vakai Tokāteline mo e Ngaahi Fuakava 107:21–26). ʻOku tau fanongo mei ha niʻihi ʻo e kau taki ko ʻení ʻi he konifelenisi lahí!
-
Lolotonga hoʻo fanongo ki he konifelenisí, fakaʻaongaʻi e ngaahi ʻekitivitī ʻi he peesi 24–25 ke tokoniʻi koe ke tukutaha ai hoʻo tokangá. Tohi leva ki he Kaumeʻá ke talamai kiate kitautolu e meʻa naʻá ke saiʻia taha ai fekauʻaki mo e konifelenisi lahí.
ʻOku Ou Saiʻia he ʻAlu ki he Temipalé
Maʻá e Tokāteline mo e Ngaahi Fuakava 109–110
-
Hiva e “Ko e Laumālie ʻo e ʻOtuá” (Ngaahi Himí, fika 2)
-
Hili hono langa mo fakatāpui e Temipale Ketilaní, naʻe hā ai ʻa Sīsū Kalaisi kia Siosefa Sāmita mo ʻŌliva Kautele (vakai Tokāteline mo e Ngaahi Fuakava 110:2–7). Ko e temipalé ko e fale ia ʻo e ʻEikí. Te ke lava ʻo ako lahi ange fekauʻaki mo e Temipale Ketilaní ʻi he peesi 42.
-
Tā ha fakatātā ʻo e temipale ʻokú ke saiʻia taha aí. Hiva e “ʻOku Ou Saiʻia he ʻAlu ki he Temipalé” (Tohi Hiva ʻa e Fānaú, 95). Ko e taimi kotoa pē ʻokú ke hivaʻi ai ʻa e foʻi lea temipalé, hiki hake hoʻo fakatātā ʻo e temipalé. Fakakaukau ki ha ngaahi foʻi lea kehe ʻi he hivá ʻokú ne fakahaaʻi ʻa e makehe mo e fakaʻofoʻofa ʻo e ngaahi temipalé.
ʻŪ tā fakatātā ʻa Katy Dockrill