Mei he Kau Palesitenisī ʻUluakí
Hiva maʻa Sīsuú
Toʻo mei he “Worship through Music,” Ensign, Nōv. 1994, 9–12.
Ko hono hivaʻi ʻo e ngaahi himí mo e ngaahi hiva Palaimelí ko ha founga ia ke fakahaaʻi ai ʻetau ʻofa kia Sīsuú. Naʻá Ne tā ha sīpinga maʻatautolu. ʻI he fakaʻosinga ʻo e ʻOhomohe Fakaʻosí, naʻe hiva fakataha ʻa Sīsū mo ʻEne kau ʻAposetoló (vakai Mātiu 26:30.).
ʻE lava ʻe he hivá ʻo:
-
Fakahā ʻa ʻetau ofá kia Sīsū.
-
ʻOmai ʻa e Laumālie Māʻoniʻoní
-
Teuteuʻi kitautolu ke tau ako ʻa e ongoongoleleí.
-
ʻOmi ha mālohi fakalaumālie kiate kitautolu.
ʻI hoʻo hivá, fakakaukau ki he meʻa ʻoku fakamatala ʻe he ngaahi leá. ʻI he taimi ʻoku ʻahiʻahiʻi ai koe ke ke fai ha fili ʻoku koví, feinga ke ngūngū ha foʻi hiva Palaimeli. ʻI hoʻo hivá, te ke ongoʻi ofi ange ai ki he Tamai Hēvaní mo Sīsū Kalaisi.
Nonga ʻia Kalaisí
Lolotonga e folau ʻa Sīsū mo ʻEne kau ākongá ʻi ha vaka ʻi ha pō ʻe taha, ne tō ha matangi mālohi. Naʻe manavahē ʻa e kau ākongá. Naʻa nau fafangu ʻa Sīsū ʻo kole ke Ne fai ha tokoni. “Pea tuʻu hake [‘a Sīsū], ʻo lolomi ʻa e matangí, mo ne pehē ki he tahí, Fiemālie, peá ke tokalelei. Pea naʻe malū ʻa e matangí, ʻo mātuʻaki tofukī” (Maʻake 4:37–39).
Valivali e fakatātaá. Hiki leva ha niʻihi ʻo e ngaahi hiva ʻokú ke saiʻia taha ai fekauʻaki mo Sīsuú. ʻI he taimi ʻokú ke ongoʻi taʻelata pe ilifia aí, hivaʻi ha taha ʻo e ngaahi hivá ke ke ongoʻi fiemālie mo nonga.
Tā fakatātā ʻa Jared Beckstrand