Haʻu, ʻo Muimui ʻIate Au
Taimi Fiefia ʻi he Folofolá ma‘á e Fānau Īkí
ʻOku ʻalu fakataha ʻa e ngaahi fakakaukau ko ʻení mo e Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí ʻi he uike takitaha.
Ki he Tokāteline mo e Ngaahi Fuakava 94–97: ʻAi ke hili ʻe he tokotaha kotoa honau nimá ki honau funga ʻulú ke hangē ha taua ʻo e temipalé. Pea tuku hifo ho umá ke takatakaiʻi ʻa e niʻihi takitaha ʻi ha fāʻofua fakafāmili. Talanoa fekauʻaki mo e ngaahi tāpuaki ʻe lava ke maʻu ʻe he ngaahi fāmilí ʻi he temipalé. Tokoniʻi hoʻomou fānau īkí ke nau lea ʻaki, “Te u lava ʻo nofo mo hoku fāmilí ʻo tuputupuʻa.”
Ki he Tokāteline mo e Ngaahi Fuakava 98–101: Tokoniʻi hoʻo fānau īkí ke nau pehē, “ʻE lava ke tokoniʻi au ʻe Sīsū Kalaisi ke u ongoʻi nonga.” Talanoa ki ha ngaahi founga kehekehe ʻe lava ke ongoʻi nonga ai ʻa e kakaí. ʻE kau ʻi he ngaahi fakakaukaú ʻa e lotú, lau e ngaahi talanoa mei he folofolá, fanongo ki he ngaahi hiva leleí, pe malōlō fiemālie pē.
Ki he Tokāteline mo e Ngaahi Fuakava 102–105: ʻOku ʻi ai ha ngaahi lao ʻa e ngaahi fāmilí, ngaahi koló, mo e ngaahi fonuá ki hono maluʻi ʻo e kakaí. ʻOku tuku mai foki ʻe he Tamai Hēvaní ha ngaahi lao, pe ngaahi fekau kiate kitautolu. Talanoa fekauʻaki mo ha niʻihi ʻo e ngaahi laó mo e ngaahi fekau ko ʻení pea mo e ʻuhinga ʻoku mahuʻinga ai ke muimui ʻiate kinautolú, neongo ʻe faingataʻa ʻi he taimi ʻe niʻihi. Tokoniʻi hoʻo fānau īkí ke nau pehē, “Te u lava ʻo ta uhi e ngaahi fekaú.”
Ki he Tokāteline mo e Ngaahi Fuakava 106–108: Tokoniʻi hoʻo fānau īkí ke nau pehē, “Te u lava ʻo muimui he kau taki ʻo e Siasí.” Puke hake ha fakatātā ʻo e palōfitá. Talanoa fekauʻaki mo e founga ʻe lava ke muimui ai ho fāmilí ki he fakahinohino ʻa e palōfitá.
Ki he Tokāteline mo e Ngaahi Fuakava 109–110: Ngāue fakataha fakafāmili ke tā ha fakatātā ʻo ha temipale. Pea hivaʻi ʻa e: “Fie Siofia ha Temipale” (Tohi Hiva ʻa e Fānaú, 99). Talanoa ki he ʻuhinga ʻoku mahuʻinga ai e temipalé kiate koé. Tokoniʻi hoʻo fānau īkí ke nau pehē, “Ko ha feituʻu makehe ʻa e temipalé.”
Ngaahi tā fakatātā ʻa Alessia Girasole