ʻOku tau ʻofa kotoa ʻi hotau ngaahi fāmili fakamāmaní. Ka ʻoku ʻikai ke tau feohi lelei maʻu pē. ʻOku angamaheni pē ke ʻi ai ha ngaahi tōkehekehe mo ha ongoʻi loto-mamahi ʻi he taimi ʻe niʻihi. Ka te tau lava ʻo ngāue fakataha ke fakamoʻui ʻa e ngaahi mamahi ko iá pea tau toe vāofi ange.
Hoko ko ha tokotaha fakamelino ʻi homou ʻapí. Akoʻi ki hoʻo fānaú e founga ke fakaleleiʻi ai ʻa e ngaahi fekeʻikeʻí, ke angaʻofa, fakamolemoleʻi, mo feinga ke toe lelei ange ʻi he ʻaho takitaha. Te mou lava fakataha ʻo ngaohi homou ʻapí ko ha feituʻu ‘oku ʻofa mo nonga ange. Te ke lava ʻo kamata ʻaki ha ngaahi fakakaukau mei he ngaahi talanoa ʻi he peesi 8, 36, mo e 40.