Nima Fietokoni ‘i he funga ʻo e Māmaní

Feʻiloaki mo ʻElenoa mei USA

Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fakahoko ‘e Sīsuú.

Ngaahi me‘a kotoa fekauʻaki mo ʻElenoá

Taʻu: 7

Mei: Fololita, USA

Lea fakafonuá:Faka-Pilitānia

Fāmilí: ko Mami mo Teti, mo hono ongo taʻokete mo e ongo tuongaʻange lahi ʻiate ia, kau ai mo ʻene kulī ko Kokó mo ʻene pusi ko Susí!

Ngaahi taumuʻá mo e ngaahi fakaʻamú: 1) Fakahoko ha ngaahi meʻa lelei ʻe 100 ʻi he uike pē ʻe taha. 2) Hoko ko ha toketā mo ha faiako ki he fanga tolofiní.

Nima Tokoni ʻo ʻElenoá

Naʻe maumauʻi ʻe he afā ʻi Fololita, ʻi USA e ʻapi ʻo ʻElenoá. Naʻe maumau foki mo e ngaahi ʻapi ʻo hono kaungāʻapí. Ko ia naʻe fakahoko ai ʻe ʻElenoa mo hono ongo taʻoketé mo hono ongo tuongaʻane lalahí ʻenau ngāue Nima Fie Tokoní ʻi honau feituʻú. Naʻa nau fakaafeʻi honau ngaahi kaungāmeʻá ke nau kau mai mo kinautolu! Naʻa nau tokoniʻi fakataha ha ongomātuʻa matuʻotuʻa ange ke fakaʻataʻatā ha fuʻu ʻakau lahi naʻá ne fakaʻefihiaʻi hona matapā ʻi muʻá. Naʻe tokoni ʻa ʻElenoa ke fakaʻataʻatā ha ngaahi vaʻa ʻakau mei he halá mo tokoni ke fetuku e ngaahi kongokonga ʻo e fuʻu ʻakau naʻe tuʻusí.

Naʻe ngāue mālohi ʻa e ngaahi kaungāmeʻa ʻi honau feituʻú he ngaahi ʻaho lahi ke hiko ʻa e vevé mo e ngaahi vaʻa ʻakaú mei he halá, tauʻanga meʻalelé, mo e ngaahi ʻapi. ʻI he haʻu ha kau ngāue tokoni tokolahi ange ke tokoni hili e afaá, naʻe foaki ange ʻe ʻElenoa hono loki mohé ke nau nofo ai. Naʻe pehē ʻe ʻElenoa, “ʻOku ou muimui ʻia Sīsū ʻaki ʻeku tokoni ki he niʻihi kehé, pea naʻá ku saiʻia ʻi he tokoni ki hono fakamaʻa e haʻahaʻa ʻo e afaá. Naʻá ne ʻai ke u ongoʻi makehe. Naʻe ʻikai ke u toe ongoʻi faingataʻaʻia koeʻuhí he naʻá ku ongoʻi fiefia ʻaupito.

Ngaahi Meʻa ʻOku Manako Taha ai ʻa ʻElenoá

Feitu‘ú: ʻApi

Talanoa ʻo Sīsū: Taimi naʻe ʻaloʻi ai Ia ʻi Pētelihemá

hiva Palaimelí: “ʻOku ʻOfeina Au ʻe he Tamai Hēvaní” (Tohi Hiva ʻa e Fānaú, 228)

Meʻakaí: Kumala

Lanú: Lanu pulū maama

Lēsoni he Akó: Saienisí