Fakahā pea Tala
Naʻe faingataʻa ke fanongo mo loto-ʻapasia ʻi he taimi ne mau maʻu lotu ai ʻi ʻapi lolotonga e mahaki fakamāmanilahí. Naʻá ku feinga ke fakakaukau ki he founga te u lava ai ʻo tokoni ke ongoʻi makehe mo ʻapasiá. ʻOku ou maʻu ha foʻi fakakaukau. Naʻá ku toʻo ha ongo puha lalahi ʻo ngaohi ʻaki ha tuʻunga malanga. Naʻá ku ongoʻi fiefia ke tokoni ʻi hono ʻai ke ongoʻi makehe ʻemau lotu ʻi ʻapí.
Pelesilī F., taʻu 9, Sekisoni, Siamane
ʻI he taimi ʻoku ou sio ai ki ha taha ʻi he akó ʻoku liʻekina pe loto mamahi, ʻoku ou fakaafeʻi ia ke ma vaʻinga.
ʻOtilia H., taʻu 9, Vahefonua Hovetisitēteni, Tenimaʻake
ʻOku ou fakamālō koeʻuhí ko ha palōfita moʻui. ʻOku ou fiefia ʻi hono ako e folofolá mo hoku fāmilí ʻi he uike takitaha ʻo fakaʻaongaʻi e Haʻu, ʻo Muimui ʻIate Aú. ʻOku tokoni ia ke mahino kiate au e ngaahi akonaki ʻa Sīsuú.
Kenoni A., taʻu 10, ʻAlesona, USA
Naʻá ku lau e Tohi ʻa Molomoná hili haʻaku aʻusia ha meʻa faingataʻa. Naʻe hū mai ʻeku faʻeé ʻo sio ki heʻeku laukongá peá ne talamai ko ha fakakaukau lelei moʻoni ia ke tokoni ke u maʻu ai ha nonga. Naʻá ku ongoʻi loto-māfana.
ʻEli N., taʻu 7, Niu Hēmifisifia, USA
Naʻá ku ongoʻi e Laumālie Māʻoniʻoní ʻi he taimi ne u puke aí, ʻi hono fakahoko mai heʻeku tangataʻeikí ha tāpuaki lakanga fakataulaʻeiki. ʻOku ou fakamālō ki heʻeku fineʻeikí mo ʻeku tangataʻeikí.
ʻEvaleti O., taʻu 6, Ohaiō, USA
ʻOku ʻi ai haʻaku kiʻi moko ko e pusiaki, pea ko e taimi kotoa pē ʻoku hola aí, ʻoku ou lotu ki he Tamai Hēvaní ʻo kole ke toe foki mai.
ʻAna C., taʻu 6, ʻEsipilīto Sanitō, Palāsila
Naʻe kole mai hoku kaungāmeʻá ke ma vaʻinga vitiō he Sāpaté. Naʻá ku loto moʻoni ki ai ka ne u talaange pē ʻikai. ʻOku ou loto ke tauhi ʻa e ʻaho Sāpaté ke māʻoniʻoni.
Penisimani C., taʻu 9, Kalefōnia, USA
“ʻOku Tau Kau Kotoa,” Metisoni C., taʻu 10, ʻIutā, USA
ʻAlani M., taʻu 10, Kalefōnia, USA
Tāleni H., taʻu 7, ʻAokalani, Nuʻusila
“Ko e Temipalé,” Vimpai M., taʻu 9, Ta esi Salami, Tenisenia