Ongoongo ‘o e Konifelenisí
Ngaahi Temipale Foʻoú
Ko e temipale ʻe fiha kuo fanongonongo ʻe Palesiteni Nalesoni talu mei heʻene hoko ko e palōfita ʻi he 2018?
-
19 ʻi he 2018
-
+16 ʻi he 2019
-
+14 ʻi he 2020
-
+34 ʻi he 2021
-
+17 ʻi he konifelenisi ko ʻení
-
= ngaahi temipale fakakātoa ʻe _______________
Ko ha Kau Palesitenisī Foʻou
ʻE kamata ʻi he ʻaho 1 ʻo ʻAokosi, 2022 ʻa Sisitā Pota ko e Palesiteni Lahi foʻou ʻo e Palaimelí. ʻE hoko ʻa Sisitā Laiti mo Sisitā Palauningi ko hono ongo tokoni.
Ngāue Fakafaifekaú
Naʻe talanoa ha niʻihi ʻo e kau leá fekauʻaki mo e ngāue fakafaifekaú. ʻI he taʻu kuo ʻosí, naʻe ngāue ha kau faifekau ʻe toko 91,178 ʻi he funga ʻo e māmaní! Ko e hā te ke lava ʻo fai ke vahevahe ai ʻa e ongoongoleleí?
Ko Hono Fakamoʻui ʻo e Māmaní
ʻOku tokoni ʻa e Siasí ki he kakai ʻi he kotoa ʻo e funga ʻo e māmaní. ʻOku tokoni hotau siasí ki he kau kumi hūfangá mo e niʻihi kehe ʻoku faingataʻaʻiá ʻaki hono ʻoange kiate kinautolu ha ngaahi tēniti, ʻū tangai mohe, meʻakai, vai maʻa, ngaahi fiemaʻu, mo ha ngaahi huhu maluʻi.