Ko ha Lotu ʻi he Matangí
BOOM! Naʻe pā ʻa e maná ʻi tuʻa. Naʻe toitoi ʻa ʻAlekisī ʻi hono lalo kafú. Ka naʻe ʻikai tuʻu ʻa e maná. Naʻe tetetete ʻa ʻAlekisī. Naʻá ne tuʻu hake leva ke kumi ʻa Teti.
Naʻá ne pehē, “Teti. ʻOku ou ilifia.”
Naʻe fāʻofua ʻa Teti kia ʻAlekisī. Naʻá ne pehē ange, “Kātaki pē. ʻOku ou ʻilo ʻe lava ke fakailifia ʻa e ngaahi maná. Ka ʻokú ta malu pē ʻi loto ʻi hota ʻapí.”
Naʻe fakakaukau ʻa ʻAlekisī ki ai. “ʻOku ʻikai ke u ongoʻi malu he taimí ni. ʻE lava nai ke ta lotu fakataha?”
“Ko ha fakakaukau fakaʻofoʻofa ia.”
Naʻe tūʻulutui ʻa ʻAlekisī mo Teti. Naʻe ala atu ʻa Teti ki hono nimá. Naʻá ne pukepuke ia lolotonga ʻene lotú.
“Siʻi Tamai Hēvani, fakamolemole muʻa ʻo tokoniʻi ʻa ʻAlekisī ke ne maʻu ha ongoʻi malu mei he matangí.”
Naʻe piki maʻu ʻa ʻAlekisī ki he nima ʻo Tetí. Naʻá ne ongoʻi nonga ʻi hono lotó. Naʻe ʻikai ke ne toe ilifia.
Naʻe pehē ange ʻe ʻAlekisī, “ʻOku ou ongoʻi lelei ange.”
Naʻe pehē ange ʻe Teti, “Sai. Ta fakafoki leva koe ki he mohengá ke ke mohe.”
Naʻe totolo atu ʻa ʻAlekisī ke mohe. Naʻe fusi hake ʻe Teti hono kafú ki hono kumukumú. Naʻá ne ʻuma ki hono laʻé.
Naʻe pehē ange ʻe ʻAlekisī, “ʻOku ou ʻofa ʻiate koe, Teti. Fakamālō atu ʻi hoʻo lotu fakataha mo aú.”
Naʻe malimali pē ʻa Teti. “Sai pē. ʻOku ou ʻofa ʻiate koe foki!”
Ngaahi tā fakatātā ʻa Alessia Girasole